Filialda “Aholini ro’yxatga olishga tayyorgarlik ko‘rish va uni o‘tkazish tartibi” mavzusida davra suhbati o‘tkazildi.
Toshkent davlat iqtisodiyot universiteti Samarqand filiali “Buxgalteriya hisobi va statistika” kafedrasi tashabbusi bilan “Aholini ro’yxatga olishga tayyorgarlik ko‘rish va uni o‘tkazish tartibi” mavzusida davra suhbati o‘tkazildi. Unda filial professor-o‘qituvchilari, talabalari bilan bir qatorda Samarqand viloyat statistika boshqarmasi “Ro‘yxatga olish jarayonini tashkil etish va o‘tkazish” bo’limi boshlig‘i J.K.Karimov, “Demografiya va mehnat statistikasi” bo‘limi boshlig‘i F.A.Shukurovlar ishtirok etishdi. 
Tadbirda aholini ro‘yxatga olishning mazmun-mohiyati, ahamiyati va uni o‘tkazish nima uchun zarurligi to‘g‘risida to‘xtalib, respublikamizda aholini ro‘yxatga olishni o‘tkazish kerakligi, hozirgi kunda ushbu tadbirga puxta tayyorgarlik ko‘rish yuzasidan amalga oshirilayotgan ishlar holati va kelgusidagi ustuvor vazifalar to‘g‘risida batafsil tushuntirishlar berdi.
Ishtirokchilarga, ushbu tadbirni o‘tkazish jarayonida yuzaga keladigan savollar yuzasidan tushunchalar berildi. Bu jarayonning o‘tkazilishi muhimligi va uning respublikamizning barcha yo‘nalishlarida muhim o‘rni haqida to‘xtaldi. 
Xususan, aholi jon boshiga makroiqtisodiy ko‘rsatkichlarni hisoblashda, respublika va hududlarni ijtimoiy-iqtisodiy rivojlantirish, aholi bandligi, ayollar va bolalar salomatligi yaxshilash va oilalarga yordam ko‘rsatish bo‘yicha dasturlarni manzilli ishlab chiqishda axborot manbai sifatida xizmat qilishi, aholi punktlarining infratuzilmasini yaxshilashda, mehnat resurslaridan foydalanish va joylashtirish bo‘yicha qisqa, o‘rta va uzoq muddatli dasturlarni ishlab chiqishda ishlatilishi ta’kidlab o‘tildi. 
Kafedra mudiri M.Mardonov filial talabalari va ularning oila a’zolarini ushbu tadbirda faol ishtirok etishlariga targ‘ib qilishda ko‘maklashishlarini bildirishdi.
Uchrashuv so‘ngida ishtirokchilarni qiziqtirgan savollarga mutaxassislar tomonidan batafsil javoblar berildi.