Toshkent davlat iqtisodiyot universiteti Samarqand filialida "Direktor va yoshlar" uchrashuvi tashkil etildi.

Mamlakatimizda davlatimiz rahbari tomonidan oliy ta’lim muassasalarida tahsil olayotgan talabalarning bandligini ta’minlash, ularning bo'sh vaqtini mazmunli o‘tkazish hamda barcha shart-sharoitlarni yaratib berish borasida salmoqli ishlar qilinmoqda.
Shu munosabat bilan, Toshkent davlat iqtisodiyot universiteti Samarqand filialida filial direktori professor O. Murtazayev ishtirokida filialning bitiruvchi bosqich talabalari, fakultet dekanlari, kafedra mudirlari, filialdagi barcha bo‘lim boshliqlari bilan ochiq muloqot uchrashuvini o‘tkazdi.
Uchrashuvni filial direktorining ma’rifiy-madaniy ishlar bo‘yicha direktorninig birinchi o‘rinbosari X.Turdibekov kirish so‘zi bilan ochib berdi va talabalarga bo‘sh vaqtlarida foydali ishlar bilan shug‘ullanishi, olimpiadalarga tayyorgarlik ko‘rishlari borasida takliflarini bildirib o‘tdi. Filial direktori professor O. Murtazayev o‘z nutqida,  filialda  so‘nggi yillarda talabalar hamda professor-o‘qituvchilarga yaratib berilayotgan qulayliklar, shart-sharoitlar, shuningdek, endilikda amalga oshiriladigan istiqboldagi rejalar xususida so‘z yuritdi.
So‘ngra “Direktorga savolim bor” loyihasi doirasida savol-javob jarayoni davom etdi. Shuningdek, hozirda ta’lim jarayonlariga tayyorgarlik ko‘rish hamda ta’limni sifatli davom ettirish, chin yetim va ijtimoiy himoyaga muhtoj talabalarga, albatta, ko‘mak berilishi ma’lum qilindi.