Toshkent davlat iqtisodiyot universiteti Samarqand filialida kirib kelayotgan yangi yil munosabati bilan bayram tashkil etildi.

2023 yil 18-dekabr kuni TDIU SF katta faollar zalida Yoshlar bilan ishlash, ma’naviyat va ma’rifat bo‘limi, shuningdek, yoshlar ittifoqi filial boshlang‘ich tashkiloti hamkorligida kirib kelayotgan yangi yil munosabati bilan "YANGI YIL BAZMI" tadbiri tashkil etildi. 
Tadbirni filial direktori, professor O. Murtazayev bayram tabrigi bilan ochib bergan bo'lsa, filialning faol talaba-yoshlari tomonidan sahnalashtirilgan konsert dasturi bayramga ajoyib bezak bag'ishladi.
Tadbir davomida shuningdek, TDIU Samarqand filiali direktori, O. Murtazayevni tavallud kuniga bag'ishlangan kino, ustozning ijodiy faoliyatlaridan parchalar o'qib eshittirish orqali yana bir bor jamoa hamda talaba-yoshlar nomidan tavallud kunlari bilan tabriklandi.
Tadbir yakunida esa, o'tgan yil sarhisobi qilinib, yil davomida o'zlarini har jabhalarda ko'rsatib kelgan, tengdoshlariga o'rnak bo'lgan talabalar, shuningdek ularga bilim olishda ko'maklashib kelishgan ilmiy rahbarlari va tashkilotchilikda jonbozlik ko'rsatgan xodimlar filial ma'muriyati tomonidan diplom va sertifikatlar bilan taqdirlanishdi.