Toshkent davlat iqtisodiyot universiteti Samarqand filiali rahbariyati tomonidan ijarada turuvchi talaba-yoshlar yashash sharoitlari o'rganildi.
Toshkent davlat iqtisodiyot universiteti Samarqand filiali direktori, professor O.Murtazaev hamda mas'ul xodimlar birgalikda talabalarning yashash sharoitlari va muammolarini o‘rganish, kuz-qiz mavsumida yuzaga kelishi mumkin bo'lgan har xil favqulodda holatlarni oldini olish choralarini ko‘rish maqsadida ijara yashovchi talaba-yoshlar xonadonlariga tashrif buyurdi. 
 2023-yil 6-dekabr kuni filial direktori O.Murtazaev boshchiligida bir qator mas’ul xodimlar ijara xonadonlarida turuvchi 67 nafar talabalarning yashash sharoiti bilan tanishdi. Talabalar bilan suhbat jarayonida ularning muammo va takliflari o‘rganildi, muammolarni bartaraf etish choralari belgilab olindi. Ijara xonadonlarining kuz-qish mavsumiga tayyorgarlik holati, isitish tizimlari sozligi ko‘zdan kechirildi. 
Shuningdek, talabalarning turli isitish qurilmalari, texnika vositalaridan foydalanishda xavfsizlik qoidalariga rioya qilishlari yuzasidan tushuntirish berildi. Xonadon egalari yana bir bor ogohlantirildi. Xonalarni ozoda saqlash, gigiyena qoidalariga rioya qilish yuzasidan tavsiyalar berildi.