Toshkent davlat iqtisodiyot universiteti Samarqand filialida talaba-qizlar bilan birgalikda ma'ruza darsi tashkil etildi.
2023-yil 5-dekabr kuni “Xotin-qizlarning jamiyatdagi rolini oshirish, gender tenglik va oila masalalari boʻyicha” Toshkent davlat iqtisodiyot universiteti Samarqand filialining 2023-2024-o‘quv yili uchun moʻljallangan fakultativ kursi bo’yicha “Xotin-qizlarning jamiyatdagi rolini oshirish, gender tenglik va oila masalalari bo‘yicha chora-tadbirlar to‘g‘risida” ma’ruza darsi tashkil etildi. Unda dotsentlar E.I.Xamdamova, O.M.Pardayeva, katta o‘qituvchi K.Y. Mirfayziyeva, assistent E.Z.Isoqova va universitet talabalari qatnashishdi. Dotsent E.I.Xamdamova o‘z ma’ruzasida Mamlakatimiz Prezidenti ayollarning jamiyatdagi oʻrni va roliga yuqori baho berib, ularning huquq va manfaatlarini himoya qilish, xotin-qizlarimizning bilimdon, zamonaviy mutaxassis, malakali kasb egalari boʻlishlari hamda sogʻlom va mustahkam oila qurishlari uchun zarur shart-sharoitlar yaratish, birinchi navbatda, sogʻlom bola tugʻilishi va uni tarbiyalash, onalar va bolalar sogʻligini muhofaza qilish davlatimiz va jamiyatimizning doimiy eʼtiboridagi eng ustuvor vazifa ekanligiga alohida eʼtibor qaratganliklari haqida to‘xtalib o‘tdi. Ma’ruzada millatning oʻziga xos maʼnaviyatini shakllantirish va yuksaltirishda, shubhasiz, oilaning, oilada esa ayolning oʻrni va taʼsiri beqiyos ekanligi yana bir bor ta’kidlab o‘tildi.