Toshkent davlat iqtisodiyot universiteti Samarqand filialida xalqaro mutaxassis bilan korrupsiyaga qarshi kurashish bo'yicha davra suhbati tashkil etildi.

2023-yilning 9-noyabridan 9-dekabr kuniga qadar, Toshkent davlat iqtisodiyot universiteti Samarqand filialida “9-dekabr – Xalqaro korrupsiyaga qarshi kurashish” kuniga bag‘ishlangan “Aksilkorrupsiya” oyligi o‘tkazilmoqda. 2023-yilning 5-dekabr kuni Oliy taʼlim muassasalari talabalari uchun YouthLed loyihasi doirasida Malayziya korrupsiyaga qarshi kurash akademiyasi direktori Idris bin Zaharudi Toshkent davlat iqtisodiyot universiteti Samarqand filialining qo‘shma ta’lim yo‘nalishi bo‘yicha ta’lim olayotgan talabalari uchun ZOOM ilovasida davra suhbati boʻlib oʻtdi.Malayziya korrupsiyaga qarshi kurash akademiyasi direktori Idris bin Zaharud maʼruzasida korrupsiyaga qarshi kurashish yoʻlidagi bilimlari hamda maslahatlarini talabalar bilan oʻrtoqlashdi.
          Maʼruzada: Malayziyada davlatida korrupsiyani oldini olish uchun juda koʻplab ishlar qilingani haqida soʻz bordi hatto korrupsiyani oldini olish uchun bolalar bogʻchalarida animatsion multfilmlar, maktab hamda oliy oʻquv yurtlarida korrupsiyani oldini olish borasida tadbirlar va darsliklar oʻtilishi haqida gap bordi. Eslatib o‘tamiz, Toshkent davlat iqtisodiyot universiteti Samarqand filialida Malayziyaning Linkoln Universitet Kolleji  bilan hamkorlikda 2+2 qo‘shma ta’lim dasturi mavjud bo‘lib, “Raqamli iqtisodiyot (Biznes boshqaruvi)” yo'nalishi bor. Barcha talablarga javob bergan talabalar o‘qishning keyingi ikki yilini Malayziyada davom ettirish imkoniyatiga ega bo‘ldilar.
Maʼruzada ishtirok etgan talabalar oʻzlariga kerakli tavsiyalar hamda bilimlarini olishdi.