Toshkent davlat iqtisodiyot universiteti Samarqand filialida "Milliy liboslarimiz millat ko‘rki" shiori ostida ko'rgazma tashkil etildi.
2023-yil 5-dekabr kuni filialda Xotin-qizlar tashabbusi bilan talaba qizlar o‘rtasida "Milliy liboslarimiz millat ko‘rki" shiori ostida ko‘rgazma tashkil qilindi. Milliy liboslar masalasiga to‘xtaladigan bo‘lsak,  qadimdan inson qaysi millatga mansub ekanligi  birinchi navbatda uning kiyimiga qarab aniqlangan. Har  bir  millat  o‘ziga xos kiyinish madaniyatiga ega. Bizning milliy kiyimlarimiz dunyoning qay burchagida bo‘lmasin har qanday xalqning havasini keltirib o‘ziga mahliyo qiladi.
Mamlakatimizda istiqlolning birinchi kunlaridan  boshlab milliy va diniy qadriyatlarimizni qayta tiklash va rivojlantirishga katta e’tibor qaratildi. Milliy bayramlarimiz urf-odatlarimiz  qayta tiklandi.
Keyingi paytlarda afsuski,  haddan  tashqari  zamonaviy liboslarga berilib ketgan opa-singillarimiz ham oz emas. Yurtimiz bozorlariga kirib kelayotgan tor  va  ochiq-sochiq  kiyimlarni kiyib yurish dinimizga  ham, sharqona milliy urf-odatlarimizga ham to‘g‘ri kelmaydi. Barcha  amallarimizda talab qilinadigan me’yor kamtarlik, orastalik kiyinishga ham tatbiq etilishi kerak.
Keling, shunday ekan chiroyimizga chiroy,  ko‘rkimizga ko‘rk qo‘shadigan milliy liboslarimiz qadrini baland tutaylik.