Toshkent davlat iqtisodiyot universiteti Samarqand filialida darslik taqdimoti bo’lib o’tdi.
2023-yil 1-dekabr kuni Toshkent davlat iqtisodiyot universiteti Samarqand filiali Axborot-resurs markazida “Raqamli iqtisodiyot va axborot texnologiyalari” kafedrasi dotsenti, fizika-matematika fanlari nomzodi Amonov Adxam Kamolovichning «Iqtisodiyotda axborot texnologiyalar va tizimlar» nomli darsligining  taqdimoti bo’lib o’tdi.

Mazkur darslik axborot-kommunikatsiya texnologiyalari sohasida mavjud zamonaviy yo‘nalishlarni qamrab olgan bo‘lib, bunda fan doirasida talabalarga hozirgi zamon talablari asosida axborot texnologiyasi elementlari haqida batafsil ma`lumot berilgan. Shu bilan birga talalalarga mavjud axborot texnologiyalarini qo‘llashda va  joriy etishda bilimlar berish bilan bir qatorda ularda tizimli yondashuvni shakllantirishga qaratilgan.

Ushbu darslik «Iqtisodiyotda axborot texnologiyalar va tizimlar» fanini o‘rganish jarayonida talabalarning mustaqil ishlashini ta`minlovchi o‘quv-uslubiy materiallarni o‘z ichiga oladi va “Iqtisodiyot” (tarmoqlar va sohalar bo’yicha), “Iqtisodiyot” (qishloq xo’jaligi iqtisodiyoti, oziq-ovqat resurslari iqtisodiyoti) hamda turdosh bakalavriyat ta`lim yo‘nalishlari talabalari uchun mo‘ljallangan.

Tadbirni filial o’quv-uslubiy b’lim boslig’i Z.Bobomurodov ochib berdi. Taqdimot bo’icha talabalar va ishtirokchilar tomonidan fikr-mulohazalar bildirildi.

Tadbirda filial professor-o’qituvchilari, ARM xodimlari va talabalar ishirok etishdilar.