Toshkent davlat iqtisodiyot universiteti Samarqand filialida “Zamonaviy ish yuritish” fani doirasida sayyor dars tashkil etildi.
2023-yil 30-noyabr kuni Toshkent davlat iqtisodiyot universiteti Samarqand filiali AIF-122 guruhi talabalari “Zamonaviy ish yuritish” fani doirasida (Fan o`qituvchilari – I.G`aniyev, K.Pardayeva) filialning ichki nazorat va monitoring boʻlimiga sayyor darsda ishtirok etish uchun tashrif buyurishdi. Dars davomida boʻlim boshlig`i Nilufar Jonuzakovna To`xtamurodova bo`lim faoliyatiga doir hujjatlar yuritilishi haqida batafsil gapirib berdi. Zamonaviy sharoitda raqamlashtirishning mohiyati va bo`lim faoliyatiga doir hujjat aylanishini raqamlashtirish jarayonlarini aniq misollar bilan amaliyotda ko`rsatib berdi. Talabalarga edo.ijro.uz platformasida hujjatlar aylanishi va uning afzalliklari haqida, shu bilan birga hozircha vujudga kelayotgan ayrim qiyinchiliklar hamda ularni bartaraf etish yo`llari tushuntirib berildi. Savol-javoblar qismida talabalar o`zlarini qiziqtirgan savollarga batafsil javob olishdi.