Toshkent davlat iqtisodiyot universiteti Samarqand filialida “Yangi O‘zbekiston – inson huquqlari” umummilliy darslari tashkil qilindi.

“Huquqiy savodxonlik oyligi” doirasida o‘tkaziladigan tadbirlarda “Yangi O‘zbekiston va inson huquqlari” mavzusiga alohida e’tibor qaratilishi va 2023-yildan boshlab O‘zbekiston Respublikasi Konstitutsiyasi qabul qilingan kun munosabati bilan o‘tkaziladigan ko‘rik-tanlovlarda ayollar, bola va yoshlar huquqlari masalalari qamrab olinishini ta’minlash yuzasidan ishlab chiqilgan chora-tadbirlar rejasining 4-bandida mamlakatning barcha maktablari, oliy va professional ta’lim muassasalarida “Yangi O‘zbekiston – inson huquqlari” umummilliy darslarini tashkil qilish va o‘tkazish vazifasi belgilangan.

Yuqoridagi vazifalar ijrosini ta’minlash maqsadida, Filialda "Yangi O'zbekiston konstitutsiyasini o'rganish" mavzusida umummilliy darslari tashkil etilmoqda, 2023 yil 29-noyabr kuni Toshkent davlat iqtisodiyot universiteti Samarqand filiali 1-bosqich BB-123,QXI-123,RI-123,RI-223 guruhlari talabalariga "Tabiiy,ijtimoiy va jismoniy madaniyat" kafedrasi dotsenti  S.Yazdanova tomonidan "Yangi O'zbekiston - inson huquqlari" maxsus kursi bo'yicha "Huquqiy tarbiya, huquqiy madaniyat va inson huquqlari madaniyatini yuksaltirish, inson huquq va erkinliklarini himoya qilish" mavzusida ma'ruza darsi o'tildi.