Toshkent davlat iqtisodiyot universiteti Samarqand filialida mini futbol sport turi bo'yicha "Talabalar ligasi" musobaqasi bo'lib o'tdi.
O‘zbekiston Respublikasi Prezidentining 2023-yil 7-apreldagi PQ–115-son qarori ijrosini ta’minlash maqsadida imzolangan Oliy ta’lim, fan va innovatsiyalar vazirining joriy yil 2-maydagi 120-sonli buyrug‘ini ijro etish maqsadida Toshkent davlat iqtisodiyot universiteti Samarqand filialida  ommaviy sport tadbirlari tashkil etilib, jumladan, joriy yilning 17-noyabrdan 24-noyabrgacha mini fubtol sport turi bo'yicha "Talabalar ligasi" sport musobaqasi filial bosqichi boʻlib oʻtdi. Bu sport musobaqasida 53 jamoa (424) talaba ishtirok etdi. 

Shiddatli va murosasiz kechgan bir haftalik bahslarda, talaba-yoshlar charchoq nimaligini bilmasdan, o'z jamoasi sha'nini himoya qilgan holda ajoyib raqobat tashkil etishdi. Shuni ta'kidlash lozimki, musobaqaning yarim final hamda final bahslari keskin va qiziqarli tarzda bo'lib o'tib, unda g’oliblikni quyidagi guruh jamolari qo‘lga kiritishdi:

1-o’rinni Buxgalteriya hisobi 4-kurs BX 120-guruh talabalari

2-o’rinni Iqtisodiyot (tarmoqlar va sohalar) 2-kurs IQT 222-guruh talabalari

3-o’rinni Agrobiznes va inovatsion faoliyat 4-kurs AIF 120-guruh talabalari.

Gʻolib boʻlgan jamoalar filial ma’muriyati hamda sport klubi  tomonidan esdalik sovgʻalari bilan taqdirlandilar.