Toshkent davlat iqtisodiyot universiteti Samarqand filialida korrupsiyaga qarshi kurashish bo'yicha tadbir tashkil etildi.
Joriy yilning 15-noyabr kuni "Aksilkorrupsiya oyligi" doirasida Toshkent davlat iqtisodiyot universiteti Samarqand filialida RI-123-223 - (Raqamli iqtisodiyot (tarmoqlar va sohalar boʻyicha) - guruhlarga “Tabiiy, ijtimoiy fanlar va jismoniy madaniyat” kafedrasi o'qituvchisi Y.Isomiddinov tomonidan "Korrupsiyaga qarshi kurashning jahon tajribasi. O‘zbekistonning korrupsiyaga qarshi kurash siyosati" mavzusida ma'ruza darsi o'tkazildi. Mazkur ma'ruzada talaba-yoshlarga “Korrupsiya aslida o‘zi nima? Bu so‘zni eshitganimizda yoki u bilan bog‘liq hodisaga duch kelganimizda bizda qanday his-tuyg‘ular kechishi kerak?” kabi savollarga javob izlandi.
Qayd qilib o‘tildiki, ko‘pchilik insonlar uchun bu jinoyatning bir turi hisoblanadi, xolos. Aslida esa bunga jamiyatni parokandalikka olib boruvchi, uni bir zaharli ilon singari bo‘gib asta-sekinlik bilan butun jamiyat tanasini yo‘q qilib yubora olishdek qudratga ega bo‘lgan kushanda sifatida qarashimiz uni butunlay bo‘lmasa-da, korrupsiyaning “amal qilish” darajasini kamaytirishimizga imkon bersa ajab emas. Mamlakat qashshoq yoki boy, demokratiya yoki monarxiya tuzilmasida bo‘ladimi, korrupsiyadan hech qachon va har qanday sharoitda ham qochib qutula olmaydi. U shunday kushandaki, insonlar hech qanday yadroviy qurolsiz jamiyatni yo‘q qilib yubora oladilar, ular o‘z qo‘llari bilan o‘zlarining ildiziga bolta urayotganlarini mutlaqo anglashmaydi, anglagan taqdirida ham juda kech bo‘ladi. Dars so‘ngida talaba-yoshlar o‘zlarining qiziqtirgan savollariga ma'ruzachi tomonidan atroflicha javob olishdilar.