Toshkent davlat iqtisodiyot universiteti Samarqand filialida "El-yurt umidi" jamg'armasi faoliyati hamda mavjud stipendiyalar haqida taqdimot o'tkazildi.
O‘zbekiston Respublikasi Prezidenti huzuridagi Davlat xizmatini rivojlantirish Agentligi hamda “El-yurt umidi” jamg‘armasi tomonidan joriy yilning 26-oktabr kuni Jamg‘armaning 2023-yilgi 2-stipendiya tanlovlariga oid yangiliklarni keng targ‘ib etish hamda tanlovlarga iqtidorli va istiqbolli, ayniqsa respublika hududlaridan yosh mutaxassislarni jalb qilish maqsadida, ochiq stipendiya tanlovlarini o‘tkazish tartibi, ajratilgan kvotalar, ustuvor yo‘nalishlar va hujjatlarni topshirish tartibini tushuntirishga bag‘ishlangan onlayn amaliy-uslubiy seminar taqdimotiga asosan filialida Ilmiy-tadqiqotlar innovatsiyalar va ilmiy-pedagogik kadrlar tayyorlash bo‘limi boshlig‘i S.Abdivohidov tomonidan Mutaxassislarni xorijda tayyorlash va vatandoshlar bilan muloqot qilish bo‘yicha “El-yurt umidi” jamg‘armasining faoliyati hamda 2023 yilgi 2-ochiq stipendiya tanlovi to‘g‘risida filialning xorijiy davlatlarda bakalavriat, magistratura va doktorantura dasturlari asosida ta’lim olish istagida bo‘lgan talabalar, ilmiy izlanuvchilar va professor-o‘qituvchilar o‘rtasida taqdimot o‘tkazdi.
Taqdimot jarayonida 2021-yil “El-yurt umidi” jamg‘armasi tanlovida ishtirok etib Fransiya davlati Grenoble shahrining “Grenoble Alpes” universitetining magistratura yo‘nalishiga tavsiya etilgan Toshkent davlat iqtisodiyot universiteti Samarqand filialining “Yashil iqtisodiyot va barqaror biznes” kafedrasi assistenti Nabiyev Nozim Orifjanovich o‘zining nutqida “El-yurt umidi” jamg‘armasining faoliyati va Fransiyadagi o‘qish jarayonlari haqida ma’lumot berdi.