Toshkent davlat iqtisodiyot universiteti Samarqand filiali professor-o'qituvchilari hamda xodimlari Karlar jamiyati Samarqand viloyat bo‘limiga tashrif buyurishdi.
Oliy ta‘lim, fan va innovatsiyalar vazirligi tizim tashkilotlari hamda oliy ta‘lim muassasalari rahbariyati tomonidan O‘zbekiston Respublikasi Karlar jamiyatiga tashrif buyurib, yoshlar bilan uchrashuvlarni tashkil qilish reja grafigiga asosan TDIU Samarqand filiali rahbariyati tomonidan O‘zbekiston Respublikasi Karlar jamiyati Samarqand viloyat bo‘limiga tashrif buyurib, uchrashuv tashkil qilishi ko‘rsatib o‘tilgan. Shu munosabat bilan filial rahbar xodimlari tomonidan O‘zbekiston Respublikasi Karlar jamiyati Samarqand viloyati hududiy bo‘limi jamiyati a‘zolari va yoshlari bilan uchrashuvi tashkil etildi. Ushbu tadbir joriy yilning 1-noyabr sanasida Samarqand shahridagi Kimyogarlar qo‘rg‘onida joylashgan Nurofshon san‘at saroyida bo‘lib o‘tdi. Yoshlar masalalari va ma‘naviy-ma‘rifiy ishlar boʻyicha direktorning birinchi o‘rinbosari tominidan tarjimon Oydin Abduraxmonova  ko‘magida jamiyat a‘zolariga filialda mavjud ta‘lim yo‘nalishlari, talabalarga yaratib berilgan shart-sharoitlar, imkoniyatlar va talabalarning turli sohalarda erishgan yutuqlari, IT-PARK, zamonaviy kutubxona, laboratoriya xonalari, xalqaro aloqalar va qo‘shma ta‘lim dasturlari bo‘yicha ma‘lumotlar berib o‘tildi. Shuningdek bugungi kunda eshitish va gapirishida nuqsoni bo‘lgan bitiruvchilar uchun oliy ma‘lumot olish uchun yaratilgan imkoniyatlar haqida ham ma‘lumotlar berildi. Uchrashuv so‘ngida mazkur jamiyat yoshlariga filial rahbariyati tomonidan esdalik sovg‘alar topshirildi.