Toshkent davlat iqtisodiyot universiteti Samarqand filialida “Milliy qadriyatlar kuni” deb nomlangan ma‘naviy-ma‘rifiy tadbir o‘tkazildi.
O‘zbekiston Respublikasi Oliy ta‘lim, fan va innovatsiyalar vazirligining 2023-yil 18-oktyabrdagi 466-son buyrug‘ini ijrosini ta‘minlash maqsadida filial deriktorining 2023-yil 27-oktyabr kunni 107 U-sonli buyrug‘i asosida chora tadbirlar rejasi ishlab chiqildi. Ushbu chora tadbirga asosan 2023-yil 31-oktyabr kuni Toshkent davlat iqtisodiyot universiteti Samarqand filialida “Milliy qadriyatlar kuni” deb nomlangan ma‘naviy-ma‘rifiy tadbir o‘tkazildi. Tadbir "Milliy qadriyatlarning eng faol targ‘ibotchisi” tanlovi doirasida "Milliy raqs”, “Milliy qo‘shiq”, “Milliy sport” nominatsiyalarida o‘tkazildi. Tadbirning asosiy maqsadi milliy ma‘naviyatimiz, milliy o‘yinlar, madaniy merosimiz va umuminsoniy qadriyatlar zaminida talabalarda yuksak vatanparvarlik tuyg‘usini va mehnatsevarlik fazilatlarini shakllantirishdan iborat.
Ushbu munosabat bilan o‘tkazilgan “Milliy qadriyatlar kuni” deb nomlangan ma‘naviy-ma‘rifiy tadbirlar “Milliy qadriyatlarning eng faol targ‘ibotchisi” tanlovi doirasida “Milliy liboslar” ko‘rgazmasi bilan birgalikda “Milliy raqs”, “Milliy qo‘shiq”, “Milliy sport” nominatsiyalari doirasida o‘smirlar o‘rtasida “Milliy kurash”, “Arqon tortish”,“Tosh ko‘tarish” va “Xo‘roz o‘yini” hamda qizlar o‘rtasida “Arqon tortish” va “Besh tosh” o‘yinlari o‘tkazildi.
Qiziqarli o‘tgan bahslarda “Milliy raqs” nominatsiyasi bo‘yicha AIF-122 guruhi talabasi M.Qurbonova va BB-123 guruhi talabasi Ch.Raimqulovalar juftligi, “Milliy qo‘shiq” nominatsiyasi bo‘yicha SA-123 guruhi talabasi A.Pirjanova, “Milliy sport” nominatsiyalari doirasida o‘smirlar o‘rtasida “Milliy kurash” nominatsiyalarida 66 kg vaznda BB-123 guruhi talabasi A.Murodov va 80 kgdan yuqori vaznda BX-121 guruhi talabasi X.Yuldashev, “Arqon tortish” nominatsiyasi bo‘yicha IQT-123 guruhi talabalari, “Tosh ko‘tarish” nominatsiyasi bo‘yicha BB-123 guruhi talabasi T.Murodov “Xo‘roz o‘yini” nominatsiyasi bo‘yicha IQT-113 guruhi talabasi Sh.Isroilov hamda qizlar o‘rtasida SA-123 guruhi qizlar jamoasi va “Besh tosh” nominatsiyasi bo‘yicha SA-123 guruhi talabasi R.Tuxtashevalar go‘liblikni qo‘lga kiritishdi. G‘olib va sovrindor talabalar Toshkent davlat iqtisodiyot universiteti Samarqand filiali rahbariyati tomonidan faxriy yorliq va esdalik sovg‘alar bilan taqdirlandilar.
