Toshkent davlat iqtisodiyot universiteti Samarqand filialida "Ochiq eshiklar kuni" tadbiri bo'lib o'tdi.
2023-yil 26-oktyabr kuni filialga “Ochiq eshiklar kuni” tadbiri doirasida Samarqand shahridagi Samarqand turizm va madaniy meros texnikumi, Samarqand axborot texnologiyalari texnikumi, Samarqand veterinariya meditsina texnikumi  va boshqa talabalar hamda o’qituvchilar tashrif buyurishdi. "Buxgalteriya hisobi va moliya" fakulteti dekani, jamoatchilik kengashi a‘zolari, marketing va talabalar amaliyoti bo‘limi xodimlari, yoshlar bilan ishlash, ma‘naviyat va ma‘rifat bo‘limi, professor-o‘qituvchilar, ta‘lim-tarbiya maslahatchilari tomonidan filialda mavjud ta‘lim yo‘nalishlari, talabalarga yaratib berilgan shart-sharoitlar, imkoniyatlar va talabalarning turli sohalarda erishgan yutuqlari haqida ma‘lumotlar berildi. Filialga tashrif buyurgan talabalar IT-PARK, zamonaviy kutubxona, laboratoriya xonalari bilan yaqindan tanishishdi. Talabalarni qiziqtirgan ta‘lim sohasidagi xalqaro aloqalar va qo‘shma ta‘lim dasturlari bo‘yicha ma‘lumotlarga ega bo‘lishdi. Ochiq eshiklar kunida ishtirok etganlar tadbir o‘zgacha kayfiyatda, ma‘lumotlarga boy amaliy tadbirlardan biri bo‘lganligini alohida ta‘kidlab o‘tishdi. Maʼlumot o‘rnida aytish kerakki, filialga tashrif buyurgan talabalar bilan bu kabi uchrashuvlar, tadbirlar davomli bo‘lishi rejalshtirilgan.