Toshkent davlat iqtisodiyot universiteti Samarqand filiali talaba-yoshlari joylarda amaliyot o'tashdi.
O‘zbekiston respublikasi Prezidentining 2019 yil 8-oktabrdagi “O‘zbekiston Respublikasi Oliy ta’lim tizimini 2030 yilgacha rivojlantirish konsepsiyasini tasdiqlash to‘g’risida”gi PF-5847-son farmoni, ta’limning ishlab chiqarish korxonalari va ilmiy tadqiqot institutlari bilan o‘zaro manfaatli hamkorligini yo‘lga qo‘yish topshirig’i berilgan.
2023-yil 19 oktyabr-kuni Raqamli iqtisodiyot taʼlim yoʻnalishi 3 va 4 bosqich talabalari, professor-oʻqituvchilar, marketing va talabalar amaliyoti boʻlimi xodimlari “SIYOB GROUP COMPANIES”, “Pure milky”, “Maroqand Sifatli Tekstil”, “Maroqand Paxta zavodi”, “Pet Agro Oil”ga tashrif buyurdi. RI-121, RI-320 guruh talabalari “Raqamli biznes transformatsiya”, “Elektron biznes tizimlar” fani bo’yicha bilim va ma’lumotlar olishdi. Bo‘lajak tadbirkor, iqtisodchilar uchun kompaniya faoliyati, muvaffaqiyatga erishish sirlari, bozor talabiga mos iste’mol tovarlari ishlab chiqarish va sotish bo‘yicha muhim tavsiyalarni berdi. “SIYOB GROUP COMPANIES” xolding ko‘p tarmoqli ishlab chiqarish kompaniya brendlari, unda ishlayotgan xodimlar, tovar aylanmasi, eksport hajmi haqida taqdimoti namoyish qilindi. Kompaniya 1999 yilda tashkil topgan bo‘lib, kompaniya “SIYOB B” deb nomlangan, asoschisi Baxtiyor Marupov. 24 yil davomida butun O‘zbekiston bo‘yicha ichki bozor uchun iste’mol mahsulotlarini ishlab chiqarib va qo‘shni davlatlarga eksport bilan shug’ullanib kelayotgan yirik kompaniyalardan biri hisoblanadi. Kompaniyalar guruhiga “Pure Milky”, “Pet Agro Oil”, “SIYOB FERMA”, “Siyob Agromash Texnik”, “Sam Plast”, “Ilonsoy Lomann Parranda”, “Afrosiyob Jeans”, “Maroqand Sifatli Tekstil”, “Maroqand Paxta zavodi” kabi tashkilot va brendlar kiradi. Bitiruvchi talabalarni biznesning turli sohalarida ishlashga va amaliyot (stajirovka) o‘tishga taklif qildi, yo‘lishlariga mos ravishda test sinovlari tashkil qilindi. Kelajakda nafaqat professional rivojlanish, balki shaxsiy o‘sish uchun ham imkoniyat yaratilishi ta’kidlandi.
