Toshkent davlat iqtisodiyot universiteti Samarqand filialida INNOWEEK-2023 – Xalqaro  Innovatsion G’oyalar haftaligi 16-20 – oktyabr kunlari bo’lib o’tdi.
Haftalik davomida 3 qismdan iborat Ko’rgazma, Kreativ ta’lim, Startap challenge tadbirlari o’tkazildi.
Ko’rgazmada 2023-yilda Ilmiy-Innovatsiya sohasida erishilgan eng muhim natijalar taqdim etildi. Shuningdek, Kreativ ta’lim va Startap challenge tadbirlarida yosh tadqiqotchilar va talabalar tomonidan shakllantirilgan loyihalar taqdimoti tashkil etildi. Bundan ko’zlangan asosiy maqsad esa yoshlarning startap g’oyalarini qo’llab – quvvatlashga qaratildi.

O’zbekiston Respublikasi Oliy ta’lim, fan va innovatsiyalar vazirligi Samarqand viloyati hududiy boshqarmasi tomonidan tashkil etilgan ko’rgazmada 4 dona ishlanmalar bilan qatnashildi. Bular: “Rezin art”; “Smart mobil kutibxona”; “Gaz detektor”; “3D Suvinerlar” ishlanmalari bo’lib, ko’rgazmada xorijlik va maxalliy mehmonlar tomonidan “Smart mobil kutibxona” ishlanmasiga katta qiziqish bildirildi.
Tadbirlarga xorijlik mehmonlar ham taklif etildi. Qazog’iston Respublikasi “International tourism and hospitality” universiteti hamda Malasiya davlatining “Lincoln University College” universitetlari bilan 2 ta hamkorlik memorandumlari imzolandi. Ushbu memorandumlar kelgusida ilmiy - innovatsiya sohasida hamkorlik aloqalari uchun xizmat qiladi.
Tadbirlar yakunida TDIU Samarqand filiali rahbariyati tomonidan ilmiy – innovatsion sohada faollik ko’rsatgan xodimlar va talabalarni taqdirlash marosimi tashkil etildi.