Toshkent davlat iqtisodiyot universiteti Samarqand filialida “Korrupsiya va odam savdosi” mavzusida suhbat bo'lib o'tdi.
Joriy yilning  12-oktyabrida Toshkent davlat iqtisodiyot universiteti Samarqand filiali korrupsiyaga qarshi kurash "Komplayens nazorat” tizimini boshqarish bo‘limi bosh mutaxassisi A.A.Axmedov talabalar tyutori A.Sadinov bilan hamkorlikda, “Buxgalteriya hisobi va moliya” fakulteti 1-bosqich talabalari bilan “Korrupsiya va odam savdosi” mavzusida suhbat o‘tkazdilar. 
         Tadbirning asosiy maqsadi, turli konsalting firmalar fuqarolarni aldab, pulini olib chet elga ishga yuborish to‘g‘risida yolg‘on ma’lumotlar berib vatandoshlarimizni sarson bo‘lishi holatlariga e’tibor qaratish bo‘ldi.  Xususan, filial rahbariyati va uning tarkibiy bo‘linmalarida korrupsiyaga qarshi murosasizlik munosabatini shakllantirish, bu sohada mavjud bo‘lishi mumkin bo‘lgan  huquqbuzarlikni o‘z vaqtida aniqlash, oldini olish, o‘z vaqtida tegishli huquq-tartibot idoralariga, avvalambor filial rahbariyatiga xabar berish, maslahatlashish yig‘ilish qatnashchilariga tushuntirildi. 
            O‘tkazilgan yig‘ilish  jarayonida  filialda korrupsiya va ta’magirlik kabi salbiy illatlarga yo‘l qo‘ymaslik  hamda filialning  korrupsiyaga qarshi kurash bo‘limining  bot kanali,  ishonch telefonlari to‘g‘risida ma’lumot  berildi. Korrupsiyaning oldini olishga doir chora-tadbirlar, korrupsiyaga oid huquqbuzarliklarni aniqlash, ularga chek qo‘yish, javobgarlikning muqarrarligi kabi jihatlar to‘g‘risida ham yig‘ilish ishtirokchilariga batafsil tushuntirib o‘tildi. Tug‘ilishi mumkin bo‘lgan savollar bilan filialning korrupsiyaga qarshi kurash «Komplayens nazorat» bo‘limiga shaxsan, yoki   anonim  murojaat etishlari mumkinligi uqtirildi.