Toshkent davlat iqtisodiyot universiteti Samarqand filialida "Komplayens nazorat" bo'limi bosh mutaxassisi tomonidan tadbir tashkil etildi.
Joriy yilning 10-oktyabr kuni filial sirtqi bo‘lim 5-bosqich “Buxgalteriya hisobi va audit” ta’lim yo‘nalishi bo‘yicha tahsil olayotgan talabalar bilan filial korrupsiyaga qarshi kurash «Komplayens nazorat” tizimini boshqarish bo‘limi bosh mutaxassisi A.A.Axmedov tadbir o‘tkazdi.
          Uchrashuvda  talabalarda korrupsiyaga qarshi kurashish borasida mamlakatimizda, filialda olib borilayotgan ishlar, yoshlarda korrupsiyaga  qarshi qatiy murosasizlik hissini shakllantirish, korrupsiyaning har qanday ko‘rinishiga toqatsizlik, bilim olish jarayonida halollik, ochiqlik va shaffoflikni ta’minlash hamda O‘zbekiston Respublikasining “Korrupsiyaga qarshi kurashish to‘g‘risida”gi qonuni, “Korrupsiyasiz soha” loyihasi asosida amalga oshirilayotgan ishlar, universitetda qabul qilingan me’yoriy-huquqiy hujjatlar, jumladan “Toshkent davlat iqtisodiyot universiteti Samarqand filialining  korrupsiyaga qarshi Dasturi (Siyosati),  “Odob axloq kodeksi”,  “Ichki tartib qoidalar”  va O‘zbekiston Respublikasining qonunchiligidagi korrupsion jinoyatlar uchun tegishli moddalar bo‘yicha tushunchalar berildi.
            O‘tkazilgan yig‘ilish  jarayonida  korrupsiya va ta’magirlik kabi salbiy illatlarga yo‘l qo‘ymaslik  hamda filialning korrupsiyaga qarshi kurash bo‘limining  bot kanali,  ishonch telefonlari to‘g‘risida ma’lumot  berildi.  Korrupsiyaning oldini olishga doir chora-tadbirlar, korrupsiyaga oid huquqbuzarliklarni aniqlash, ularga chek qo‘yish, javobgarlikning muqarrarligi kabi jihatlar to‘g‘risida ham yig‘ilish ishtirokchilariga batafsil tushuntirib o‘tildi. Tug‘ilishi mumkin bo‘lgan savollar bilan filialning korrupsiyaga qarshi kurash «Komplayens nazorat» bo‘limiga shaxsan, yoki  anonim  murojaat etishlari mumkinligi uqtirildi.