Toshkent davlat iqtisodiyot universiteti Samarqand filialida "Talabalarda stressli holatlar profilaktikasi" mavzusida davra suhbati bo'lib o'tdi.
 2023-yilning 10-oktyabrida Toshkent davlat iqtisodiyot universiteti Samarqand filiali Iqtisodiyot fakulteti talabalari bilan filial psixologi Oripov Zarifbay tomonidan, 1-bosqich talabalari o'rtasida "Talabalarda stressli holatlar profilaktikasi" mavzusida davra suhbati hamda "Temperament tipini aniqlash" metodikasi o'tkazildi.
Tadbirdan ko'zlangan asosiy maqsad: talabalarda uchraydigan stress, qo'rquv, o'ziga bo'lgan ishonch pastligi, agressiv xulq atvor shakllarini erta aniqlash va bartaraf etishdan iboratdir.
Tadbir davomida qayta aloqa usulida samimiy ochiq suhbat bo'lib o'tdi va o'tkazilgan metodika natijalari tahlil qilindi.
Uchrashuvda filial psixologi Oripov Zarifbay, Yoshlar bilan ishlash, maʼnaviyat va maʼrifat boʻlimi boshlig’i Yuldashev To’ramurod, Ta'lim-tarbiya maslahatchisi Sh.Umirzokov va talaba-yoshlar ishtirok etishdilar.
Davra suhbati nihoyasida talaba-yoshlar tomonidan berilgan savollarga mas'ullar tomonidan atroflicha javoblar berildi.