Toshkent davlat iqtisodiyot universiteti Samarqand filialida “Ta’lim muassasasi – mahalla uchun ma’naviyat o‘chog‘i” mavzusida tadbir bo'lib o'tdi.
Joriy yilning 9-oktyabr kuni bo'lib o'tgan ushbu tadbirda X.Turdibekov-Toshkent davlat iqtisodiyot universiteti Samarqand filiali yoshlar masalalari va maʼnaviy-maʼrifiy ishlar boʻyicha direktorning birinchi o‘rinbosari, M.M.Muzrapov, R.M.Ibragimova-Milliy gvardiya Samarqand viloyat bo’yicha boshqarmasi xodimlari, D.Shodmonov – filialga biriktirilgan IIB xodimi, M.Ulug’bek MFY mahalla raisi va faollari, shuningdek, I-bosqich BI-123, SA-123,ST-123 va IQT-223 guruhlari talabalari, yoshlar bilan ishlash, ma’naviyat va ma’rifat bo’limi boshlig’i, dekan o’rinbosarlari va ta’lim-tarbiya maslahatchilari ishtirok etishdi.
 

Tadbirni Toshkent davlat iqtisodiyot universiteti Samarqand filiali Yoshlar masalalari va maʼnaviy-maʼrifiy ishlar boʻyicha direktorning birinchi o‘rinbosari X.Turdibekov kirish so’zi bilan ochdi. Barcha tadbir ishtirokchilariga tadbirga taklif etilgan mehmonlarni tanishtirib, so’zni M.Ulug’bek MFY raisi M.Salomovga berdi.
 M.Salomov o’z so’zida ijara xonadonlarida istiqomat qiladigan talabalar Samarqand  shahridagi 100dan ortiq mahalla fuqorolar yig’ini hududida joylashgan xonadonlarda istiqomat qilishini jumladan “Mirzo Ulug’bek”, “”Ahmad Yassaviy”, “Tadbirkorlar”, “Lolazor”, “Ko’l”, “Dukchiyon”, “Tojimahal”, ”Marxabo”, “S.Alizoda” kabi mahalla fuqarolar yig’inlari raisi, profilaktika inspektorlari bilan doimiy ravishda hamkorlikda ishlar olib borilyotganligini aytib o’tdi. Talabalarni ijaradagi yashash joyi bo‘yicha mahalla fuqarolar yig’ini va qo‘ni-qo‘shnilari bilan olib borilgan suhbatlar chog‘ida ijarada yashovchi talabalar jamoat tartibi va tinchlikni buzmayotganligi o’z vaqtida ijaraga kelayotganligi ta’kidlab o’tdi.

 Jinoyatchilikning oldini olish mavzusida  D.Shodmonov, inson, uning sha’ni, qadr-qimmati, osoyishta turmushi hamda kelajagiga tahdid solayotgan transmilliy uyushgan jinoyatchilik ko`rinishlaridan biri bo`lib, o`zining chegara tanlamasligi hamda girdobiga asosan yoshlarni va ayollarni tortayotganligi bilan barchada katta tashvish va xavotir uyg`otmoqda. Bugungi kunda dolzarb masalalardan biri bo'lgan odam savdosining oldini olish va unga qarshi kurashish borasida yurtimizda ham qator chora-tadbirlar amalga oshirilib kelinmoqda. Mustaqillik yillarida mamlakatimizda odam savdosiga qarshi kurashning o`ziga xos milliy tizimi yaratildi. Bizga ma’lumki, O`zbekiston Respublikasi Konstitutsiyasining 13-moddasida, “O`zbekiston Respublikasida demokratiya umuminsoniy printsiplarga asoslanadi, ularga ko`ra inson, uning hayoti, erkinligi, sha’ni, qadr-qimmati va boshqa daxlsiz huquqlari oliy qadriyat hisoblanadi” deyilgan. Ularning huquq va erkinliklari davlat muhofazasida ekanligi belgilab berilgan. Jumladan, milliy qonunchilik normalari takomillashtirilib, odam savdosiga qarshi kurashish bo`yicha respublika va hududiy idoralararo komissiyalar, odam savdosi jabrdiydalariga yordam berish va ularni himoya qilish bo`yicha respublika reabilitatsiya markazi, ichki ishlar organlari tarkibida odam savdosiga qarshi kurashish va uning profilaktikasiga oid tuzilmalar tashkil etilganligi haqida ma’lumot berildi.  
Davra suhbatining  navbatdagi kun tartibi bo’yicha Milliy gvardiya Samarqand viloyat bo’yicha boshqarmasi xodimi M.M.Muzrapov so’zga chiqib, jamoat xavfsizligini ta’minlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga ko‘tarish chora-tadbirlari  to‘g‘risidagi qonunga asosan  yurtimizda huquqbuzarliklar va jinoyatlarni erta aniqlab oldini olish, jamoat tartibini saqlash, fuqarolarning xavfsizligi va mahallalar osoyishtaligini ta'minlash bugungi kunning dolzarb vazifasidir. Bugungi kunda jamoat tartibini saqlash, aholi tinchligi xavfsizligini ta’minlash, jinoyatchilikka qarshi kurashish hamda ichki qo‘riqlash kabi vazifalarni amalga oshirayotan O‘zbekiston Respublikasi Milliy gvardiyasi tarixi aynan shu sohaga oid faoliyat bilan shug‘ullanuvchi boshqa kuch tuzilmalari va huquqni muhofaza qiluvchi organlar faoliyati tarkibida boshlangan.  Tadbir  chog'ida talabalarga jamoatchilik tartibiga qat'iy rioya qilish odob-axloq qoidalariga asosan muomala qilmaganlik natijasida sodir etilayotgan jinoyatlar tahlili, ularning kelib chiqish sabablari, huquqiy oqibatlari, amaldagi me'yoriy qonun hujjatlarida shu turdagi jinoyatlar uchun belgilangan jazolar, mayda bezorilik tufayli yuzaga kelayotgan mudhish holatlar, ularning insonlar, ayniqsa yoshlarning salomatligiga salbiy ta'siri kabi masalalarga o’z fikr va mulohazalarini bildirib o’tdi.

Tadbir so’ngida filial talabalarining savollariga mutaxassislar tomonidan atroflicha javob berildi.