Toshkent davlat iqtisodiyot universiteti Samarqand filiali xalqaro hamkor oliygoh vakillari tashrif buyurishdi.

2023-yil, 05-oktabr kuni Latviya tabiiy fanlar va texnologiyalar universitetining Xalqaro ikki tomonlama diplom dasturlarini tashkil etish bo‘yicha bosh mutaxassisi Viktoriya Krištopane va Tashqi aloqalar koordinatori Ilona Puķjāne lar TDIU Samarqand filialiga rasmiy tashrif buyurishdi.
Ularni filialning Xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish” bo‘limi mutaxassisi Sh.Yuldashev bu o'quv yilidagi qo'shma ta'lim dasturlari uchun qabul jarayonlari va 1-bosqich kirish imtihonlari natijalari bilan tanishtirdi.
Samimiy ruhda o'tgan uchrashuvda bugungi kunda ikki OTM hamkorligida tashkil etilgan qoʻshma taʼlim dasturlarini yanada takomillashtirish, talabalarning ingliz tilini yanada yaxshiroq o'zlashtirishlari, kirish imtihonlarini tashkil etish, taʼlim dasturlari boʻyicha tashviqot ishlarini amalga oshirish boʻyicha fikrlar almashildi. Qo'shma ta'lim dasturlari talabalar o'zlarini qiziqtirgan savollariga xorijlik mutaxassislardan batafsil javob oldilar.

Maʼlumot uchun: 2020-2021 oʻquv yilidan boshlab, TDIU Samarqand filiali va Latviya tabiiy fanlar va texnologiyalar universiteti oʻrtasida tuzilgan xalqaro shartnomaga asosan, 2+2 koʻrinishida ikkita yo'nalishda qoʻshma taʼlim dasturlari faoliyati yo'lga qo'yilgan.