TDIU Samarqand filialida Malayziyadagi Linkoln universitet kollejining (LUC) vakili bilan uchrashuv bo'lib o'tdi.
2023-yil 5-oktyabr kuni TDIU Samarqand filialida Malayziyadagi Linkoln universitet kollejining (LUC) Xalqaro hamkorlik boʻlimi boshligʻi, professor Rashid Abdulsalom Abdulloh bilan uchrashuv bo'lib o'tdi. Uchrashuvda filial direktori, professor O.Murtazayev, direktor o'rinbosari Z.Abdullayev, ta'lim sifatini nazorat qilish bo'lim boshlig'i I.G'aniyev, Xorijiy oliy ta’lim muassasalari bilan hamkorlikdagi qo‘shma ta’lim dasturlarini muvofiqlashtirish” bo‘limi mutaxassisi Sh.Yuldashev hamda qo'shma ta'lim dasturi talabalari ishtirok etishdi.
Konstruktiv ruhda o'tgan uchrashuvda bir qator masalalar, jumladan, talabalarimizning Malayziyada o'qishni davom ettirishlari uchun belgilangan me'zon va talablar muhokama qilindi.

Uchrashuv samimiy va erkin muloqot tarzida tashkil etilib, talabalar o'zlarini qiziqtirgan savollariga professordan batafsil javob oldilar. 
Qo'shma ta'lim dasturi talabalari bilan yuzma-yuz uchrashuvda malayziyalik professor talabalarimizga Linkoln universitet kollejining xalqaro reytingdagi oʻrni, talabalarning Malayziyada oʻqish, amaliyot oʻtish va  yashashlari uchun yaratilgan sharoitlar haqida muhim ma'lumotlarni tushuntirib berdi. Uchrashuv samimiy va erkin muloqot tarzida tashkil etilib, talabalar o'zlarini qiziqtirgan savollariga professordan batafsil javob oldilar.
Uchrashuv oxirida ikki universitet o'rtasida akademik, madaniy va ijtimoiy hamkorlikni rivojlantirish bo'yicha memorandum imzolandi.

Maʼlumot uchun: 2021-2022 oʻquv yilidan boshlab, TDIU Samarqand filiali va Malayziyaning Linkoln universitet kolleji oʻrtasida tuzilgan xalqaro shartnomaga asosan, 2+2 koʻrinishida qoʻshma taʼlim dasturi faoliyati yo'lga qo'yilgan.