Toshkent davlat iqtisodiyot universiteti Samarqand filialida "1-oktyabr — Ustoz va murabbiylar bayrami" tadbiri bo'lib o'tdi.
Joriy yilning 30-sentyabr kuni bo'lib o'tgan ushbu tadbirda filial direktori, professor O.Murtazayev so'zga chiqib, filial professor- o'qituvchilari, xodim hamda murabbiylarini  "1-oktyabr — Ustoz va murabbiylar kuni" munosabati bilan samimiy tabriklab, sihat-salomatlik, baxt-u saodat, oilaviy tinchlik-xotirjamlik tilab tadbirni ochib berdi.
Tadbir davomida filial iqtidorli talaba-yoshlari o'zlarining bayram tabriklari bilan bir necha tillarda ustoz va murabbiylarni kasb bayramlari bilan o'ziga xos tarzda tabriklashdi.
Shundan so'ng filial direktori, professor O.Murtazayev tomonidan professor-o'qituvchilar diplom hamda esdalik sovg'alari bilan taqdirlanishdi.