TDIU Samarqand filialida "Tadbirkor bilan uchrashuv" doirasida tadbir bo'lib o'tdi.
2023-yil 22-sentabr kuni TDIU Samarqand filialida “Tadbirkorlar bilan uchrashuv” mavzusi doirasida Gea Farm Technologies, MOST, Technoset Group, Sutello, “O‘zbegim-Agro” va  Anor-Hotels kompaniyalarining O‘zbekistondagi dilleri, asoschisi, xalqaro toifadagi iqtisodchi, tadbirkor Asliddin Astanov va Registon o‘quv markazi Samarqand filiali rahbari Arslonbek Normurodovlar bilan uchrashuv-trening bo’lib o’tdi. Tadbir tashkilotchilari “Yashil iqtisodiyot va barqaror rivojlanish” kafedrasi (O.M.Pardayeva), Marketing va talabalar amaliyoti bo`limi (M.R.Norqulova), Axborot-resurs markazi (J.Islomova).
- Moderatorlar: Dotsent I.G`aniyev, Katta o’qituvchi S.Fazliyev, magistrant I.Berdiyorova.
Tadbir ochilishida filial direktori, professor O. Murtazayev so'zga chiqib, tadbir mehmonlarini talaba-yoshlarga tanishtirdi hamda kitob o'qishning afzalliklari va kelajak avlod ma'naviy ozuqasi aynan kitobda ekanligi to'g'risida qisqacha to'xtalib o'tdi.
Shundan keyin so'z olgan tadbirkor, A.Astanov o‘zining faoliyatini boshlash davridagi ilk qadamlari, sohada erishgan yutuqlari va hayotiy tajribalari bilan bo’lishdi. Germaniya Federativ Respublikasi va Turkiya davlatlari bilan hamkorlikda tashkil etilgan qo’shma korxona faoliyati, muvaffaqiyatga erishish sirlari, bo’lajak tadbirkor va iqtisodchilar uchun asqotadigan muhim tavsiyalarni berdi. A.Normurodov innovatsion o‘quv markazlarining yoshlar bilimi va tafakkurini oshirishda, ularning samarali natijalarga erishishlaridagi o‘rnini markazlarda bilim olgan o‘quvchi-yoshlar yutuqlari asosida aytib o’tdi. Talaba yoshlar o‘zlarini qiziqtirgan savollariga atroflicha javoblar olishdi.