Xalqimiz keksalarni hamisha e’zozlab, ularga hurmat-ehtirom ko‘rsatadi. Oramizda keksa nuroniylar borligining o‘zi ulug‘ ne‘mat bo‘lib, ularning pand-u nasihati yoshlarimiz uchun bebaho xazinadir. Ushbu jihatlar inobatga olingan holda Toshkent davlat iqtisodiyot universiteti Samarqand filialida “Uch avlod uchrashuvi” tashkil etildi.
Tadbirni Toshkent davlat iqtisodiyot universiteti Samarqand filiali Yoshlar masalalari va maʼnaviy-maʼrifiy ishlar boʻyicha direktorning birinchi o‘rinbosari X.I.Turdibekov kirish so‘zi bilan ochib, O‘qish – eng yaxshi ta’lim. Buyuk allomaning fikriga ergashish eng qiziqarli ilmdir shiorida kun tartibidagi mavzu bilan ishtirokchilarni tanishtirdi.
Uchrashuvda Samarqand davlat universiteti professori A.Rahimov, S.Aliqulov, A.Axmedov va bir qator proffesor o‘qituvchilar bilan talaba-yoshlar ishtirok etishdi. Ishtirokchilar o‘zaro o‘zlarining hayotiy tajribasi va kasbiy faoliyatida orttirgan tajribalari borasidagi mulohazalari bilan o‘rtoqlashishdi. Keksalarning tajribasi yoshlar uchun hayot maktabi, ayniqsa, ularning qimmatli pand-nasihatlari, hayot saboqlari yoshlarning shijoati bilan birlashsa jamiyatni rivojlantiruvchi kuchga aylanadi. Qolaversa, mamlakatimizda amalga oshirilayotgan keng ko‘lamli islohotlarning mazmun -mohiyatini yosh avlodga yetkazishda keksa avlod vakillarining alohida o‘rni bor.
Darhaqiqat, mamlakatimizda barcha sohalarda islohotlar jadal suratlarda davom etyapti. Bu yangilanish va o‘zgarishlar avvalo fuqarolarning manfaatlari, ularning hayotdan rozi bo‘lib yashashlari uchun xizmat qilyapti. Mehmonlar ham davlatimizda amalga oshirilayotgan islohotlar haqida so‘zlab, erishilayotgan bu yutuqlar ko‘plab fidoiy insonlarning mashaqqatli mehnati samarasi ekanligini ta’kidlashdi.
Tadbir so’ngida talabalar o’zlarini qiziqtirgan barcha savollarga atroflicha javob olishdi.