Toshkent davlat iqtisodiyot universiteti Samarqand filialida "Talabalar ligasi" sport musobaqalariga start berildi.
Filialda "Talabalar ligasi" sport musobaqalariga start berildi

O‘zbekiston Respublikasi Oliy ta’lim, fan va innovatsiyalar vazirligining 2023-yil 30-avgustdagi 101-sonli bayoni Hay’atining kengaytirilgan yig’ilishi ijrosini ta’minlash maqsadida  “Talabalar ligasi” dasturiga ko'ra sportning shaxmat, futbol, basketbol, voleybol va stol tennisi sport musobaqalariga start berilishi belgilangan edi. 2023-yil 18-sentyabr kunidan, sportning shaxmat turi bo'yicha musobaqa bilan boshlandi.

Start olgan shaxmat musobaqasida 87 nafar talaba-yoshlar ishtirok etishib, musobaqaning qizg'in o'tishini ta'minlab berishmoqda.
"Talabalar ligasi" sport musobaqalarini tashkil etilishini nazorat qilish uchun "Talabalar sport assotsatsiyasi''dan ishchi guruh tashrif buyurib ushbu shaxmat musobaqasi birinchi kunini kuzatib borishdi. 

Eslatib o'tamiz, faxrli o'rinlarni qo'lga kiritgan ishtirokchilar filial sport klubi tomonidan qimmatbaho esdalik sovg'alari hamda ushbu musobaqalarning viloyat bosqichiga yo'llanmani qo'lga kiritadilar.