Filialda talabalarning ota-onalari yig'ilishi doirasida talaba-qizlar ota-onalari bilan alohida suhbat tashkil etildi.
Joriy 2023-yil 16-sentyabr kuni TDIU Samarqand filialida  Oliy ta’lim, fan va innovatsiyalar vazirining topshirig‘iga ko‘ra 1-kurs talabalarining "Ota-onalar kongressi" o‘tkazildi.
Tadbirda filial rahbariyati bilan bir qatorda Xotin-qizlar masalalari bo‘yicha maslahat kengashi raislari hamda filial professor-o‘qituvchilari ham faol qatnashib, ota-onalar bilan talaba qizlarga ta’lim tizimida ular uchun yaratilgan imkoniyatlar, talabalar turar joyida va ijara xonadonlaridagi shart-sharoitlar, kiyinish madaniyati, odob-axloq qoidalari bilan yaqindan tanishtirdilar.