Toshkent davlat iqtisodiyot universiteti Samarqand filiali hamda talaba-yoshlarning ota-onalari bilan kongress yig'ilish tashkil etildi
2023-yilning 16-sentyabr kuni TDIU Samarqand filialida “Talabalarning ota-onalarini oliy ta’lim muassasasiga taklif etish” mavzusida filial ma’muriyati tomonidan 1-bosqichda tahsil olayotgan talabalarning ota-onalari bilan birgalikda “Talaba-yoshlar tarbiyasida oliy ta’lim muassasasi va ota-onalar hamkorligi” shiori ostida kongress yig'ilish tashkil etildi. Uchrashuvni Filial direktori, professor - O.Murtazayev, filial o’quv ishlari bo’yicha direktor o’rinbosari - F. Axrorov olib bordi. Shuningdek, tadbirda filial ma’naviy-marifiy ishlar bo‘yicha direktor birinchi o‘rinbosari - X.I.Turdibekov, Ta’lim sifatini nazorat qilish bo‘lim boshlig‘i - I.M.Ganiyev va filial korrupsiyaga qarshi kurash “Komplayens nazorat” tizimini boshqarish bo‘limi bosh mutaxassisi - A.A.Axmedov, guruhlar ta'lim tarbiya maslahatchilari, talaba-yoshlarning ota-onalari hamda talabalar ishtirok etishdi. Yig‘ilishni filial direktori - O.Murtazayev kirish so‘zi bilan ochib, yig‘ilishda ishtirok etayotgan talabalarning ota-onalarini bugungi yig‘ilishdan ko‘zlangan asosiy maqsad, talabalarga yaratilgan shart–sharoitlar, xorijiy davlatlar bilan tuzilgan shartnoma va hamkorlik aloqalari hamda boshqa muhim ma'lumotlar berib o'tdi.
Yig’ilish davomida talabalarning ta’lim sifatini oshirish yuzasidan turli fikrlar almashildi. 
 – "Bolangizning diplom olish uchun emas, yaxshi bilim olishi uchun kurashing. Chet tillarini bilish bugungi kun uchun juda muhim. Ilmga, tilga bo’lgan e’tibor, mamlakat taraqqiyoti uchun qaratilgan e’tibordir.  Keling, o'g’il-qizingizning darsiga qatnashing. Qolgan kursdoshlari bilan solishtiring. Biz hamkorlikda ish olib borsak, tezroq maqsadimizga erishgan bo’lamiz" – deydi ta’lim sifatini nazorat qilish bo‘lim boshlig‘i I.M.Ganiyev.
Bundan tashqari yig'ilish davomida so'zga chiqqan, filial o’quv ishlari bo’yicha direktor o’rinbosari - F. Axrorov; o‘qitishning modul kredit tizimi, HEMIS dasturi va uning ahamiyatini tushuntirib, ota-onalar ushbu tizim orqali farzandlarining o’qishini nazorat qilishlari mumkinligi haqida to’xtalib  talabalarning darslarga qatnashishi haqida va boshqa tegishli bo‘lgan masalalar yuzasidan ularning ota-onalarini yaqindan, atroflicha tanishtirish va ota-onalar bilan farzandlari tarbiyasi borasida mustahkam hamkorlikni yo‘lga qo‘yish kerakligini ta'kidlab o'tdi.

Yig’ilish so’ngida ota-onalar farzandi o‘qishga kirgandan so‘ng, dunyoqarashi va fikrlashi ma’lum ijobiy o‘zgarishlar bo‘layotganini ta’kidlab, professor-o‘qituvchilarga minnatdorlik bildirdi. Talaba-yoshlar ota-onalari o'zlarini qiziqtirgan savollarga mas'ullar tomonidan atroflicha javob olishdi.