Toshkent davlat iqtisodiyot universiteti Samarqand filiali "IT iqtidorli talabalar klubi" faoliyatiga start berildi.

Joriy yilning 16-sentabr kuni soat 11:00 da (303 A xonada) TDIU Samarqand filialida  “Raqamli iqtisodiyot va axborot texnologiyalari” kafedrasi qoshida olib borayotgan “IT iqtidorli talabalar klubi” talabalar ilmiy fan klubi 1-kurs talabalari bilan klub faoliyati to'g'risida suhbati bo’lib o’tdi. 
Unda Iqtidorli talabalarning ilmiy tadqiqot faoliyatini tashkil etish bo‘limi boshlig’i J.Bo‘riboyev so‘zga chiqib, klub a’zolari ishtirokini ta’minlanlash va ushbu tanlovga dasturchi qizlarning o‘z startap loyihalarini taqdim etishlari to‘g‘risida gapirdi. 
 “IT- iqtidorli talabalar klubi” rahbari, p.f.f.d. dos.v.b. F.Anarbayeva so‘zga chiqib,  O‘zbekiston Respublikasi Oliy ta’lim, fan va innovatsiyalar vazirligi Innovatsion rivojlanish agentligining  “IT dasturchi talabalar klubi” a’zolari bo‘lgan talaba qizlar o‘rtasida doimiy ravishda turli tanlov va musobaqalarni tashkil etib borish hamda klub a’zolari tomonidan startap loyihalarning ishlab chiqilishini tashkil etish to’g’risida birinchi kurs talaba qizlariga ma’lumotlar berdi.