Toshkent davlat iqtisodiyot universiteti Samarqand filiali talabalari A.S.Pushkin nomidagi Samarqand viloyat axborot-kutubxona markaziga tashrif buyurishdi.
2023-yil 15-sentyabr kuni axborot-kutubxona markaziga Toshkent davlat iqtisodiyot universiteti Samarqand filiali ta’lim-tarbiya maslahatchisi Sh.Umurzoqov talabalar bilan tashrif buyurishdi. Bunday tashriflar talaba-yoshlarni kitobxonlikka qiziqishlarini yanada oshirish, kitobxonlikni rivojlantirish, talabalarning bo‘sh vaqtlaridan samarali foydalanish, kitobxonlikni yoshlar ongiga singdirish bilan bir qatorda ularning ma’naviyati va salohiyatini rivojlantirishda muhim ahamiyat kasb etadi. Bundan tashqari talabalar A.S.Pushkin nomidagi Samarqand viloyat axborot-kutubxona faoliyati, fondda mavjud adabiyotlar, gazetalar, jurnallar, elektron kutubxonada yaratilgan shart-sharoitlar bilan ham yaqindan tanishishdi. O’zlarining qiziqtirgan savollariga axborot-resusr markazi xodimlari tomonidan javoblar oldilar. Talabalarda  axborot-kutubxona markazi katta taa’surot qoldirdi.