Toshkent davlat iqtisodiyot universiteti Samarqand filialida “Talabalikka bag‘ishlov” tadbiri bo‘lib o‘tdi. O‘zbekiston Respublikasi Oliy talim, fan va innovatsiyalar vazirligining 2023-yil 31-avgustdagi 1/15-47/2-sonli xati asosida 2022/2023-o‘quv yilida Toshkent davlat iqtisodiyot universiteti Samarqand filialiga qabul qilingan yoshlarni tabriklash bo‘yicha “Yangi hayot uchun Yangi O‘zbekiston uchun!” shiori ostida4-sentyabr kuni soat 08:00 da “Talabalikka bag‘ishlov” tadbiri bo‘lib o‘tdi. Tadbirda filial direktori, direktor o’rinbosarlari, fakultet dekani va dekan o’rinbosarlari, professor o’qituvchilar, ta’lim-tarbiya maslahatchilari hamda talabalar va ularning ota-onalari ishtirok etishdi.
O‘zbekiston Respublikasi Davlat madhiyasi bilan boshlangan tadbirda Toshkent davlat iqtisodiyot universiteti Samarqand filiali direktori O.Murtazayev talaba-yoshlarni O‘zbekiston Respublikasi davlat mustaqilligining o’ttiz ikki yillik bayrami bilan tabriklab, fakultetlar dekani, uning o’rinbosarlari hamda kafedra mudirlari bilan tanishtirdi. Barcha talabalikka qabul qilingan talabalarning ota-onalariga shaxsan direktor nomidan tashakkurnomalar bildirilib, Toshkent davlat iqtisodiyot universiteti Samarqand filiali tashkil faoliyati to‘g‘risida yig‘ilganlarga aytib o‘tdi. Tadbir davomida o’quv jarayoni, filial ichki tartib intizomi va odob axloq qoidalari, o`qishdan tashqari mustaqil ilm olish, yotoqxona masalalari va filial yutuqlari bo`yicha ma’lumotlar berib o`tildi. Minglab yoshlar ichidan o‘z bilimi va iqtidori bilan talabalikka tavsiya etilgan yoshlarning filialga qadam qo‘ygan yosh avlod bugun mohiyatan qanday sharafga erishganini - talaba degan baxtga muyassar bo‘lganini anglab yetishdi.
Talabalar 1-juftlik darsida filialdagi tajribali professor-o’qituvchilar tomonidan “Qatag’on qurbonlari” xotirasiga bag’ishlangan taqdimotlar asosida zamonaviy texnologilardan foydalangan holda “Mustaqillik darslari” o‘tkazildi.
