Joriy yilning 4- iyul kuni TDIU SFning Qabul komissiyasi a’zolari ishtirokida O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Samarqand viloyat boshqarmasi hamda Jurnalistlar Ijodiy Uyushmasi viloyat bo‘limi bilan hamkorlikda matbuot anjumani o‘tkazildi.
Matbuot anjumanida Samarqand viloyati va respublika ommaviy axborot vositalarining hududiy vakillari, jurnalist va blogerlar ishtirok etishdi.
UndaTDIU FSning 2023/2024 o‘quv yili qabul jarayonlari, yangi ochilgan ta’lim yo‘nalishlari, shuningdek, bakalavriyat bosqichining kunduzgi va kechki shakllariga hamda magistratura mutaxassisliklari uchun ajratilgan qabul kvotalari xususida axborot beriladi.
Filialda xorijiy universitetlar bilan hamkorlik aloqalari mustahkamlanganligi va Germaniya, Latviya va Malayziya oliy ta’lim muassasalari bilan 2+2 dasturi asosida qo‘shma ta’lim shaklida ham talabalarni o‘qishga qabul qilish. Bundan tashqari, filial talabalari amaliyotni xorijda o‘tashihaqida to'xalib o'tildi. Masalan, o‘tgan yili 70 nafarga yaqin talaba xorijda amaliyot o‘tagan bo‘lsa, bu yil 120 nafar talaba chet elda amaliyot o‘tamoqda.
Filialga texnikumni bitirgan talabalar ham suhbat asosida ikkinchi kursga qabul qilinadi. O‘tgan yili 27 nafar texnikum bitiruvchisi o‘qishga qabul qilingan. Shuningdek, magistratura ta’lim shaklida Iqtisodiyot (Islomiy bank ishi) yo‘nalishida Malayziya oliy ta’lim muassasasi bilan qo‘shma ta’lim shakli joriy etilgan.
Bo‘lib o‘tgan matbuot anjumanida filial o'quv ishlari bo'yicha direktor o'rin bosari F.Axrorov talabalarga yaratilgan shart-sharoitlar haqida ham ma’lumot berdi. Ayni paytda oliy ta’lim muassasasi hududida davlat xususiy sheriklik asosida 400 o‘rinli talabalar yotoqxonasi qurilmoqda. Mavjud talabalar turar joyi kapital ta’mirlanmoqda. moslashgan o‘quv binosi va 650 o‘rinli talabalar turar joylarining foydalanishga topshirilishi, talabalar va pedagog xodimlar uchun yaratiladigan imkoniyatlar, jumladan, bitta ochiq va bitta yopiq sport maydonlarining bunyod etilishi kabilar ham anjumanda bildirib o‘tildi.
Ma’lumot uchun, 2023/2024 o‘quv yilida Toshkent davlat iqtisodiyot universiteti Samarqand filialini bu yil ilk talabalari bo‘lgan 201 nafar yoshlar bitirmoqda.
