"Zakovat" intellektual o'yinlari barcha yoshlar uchun qiziqarli va aqlni charxlash uchun xizmat qiladigan ajoyib o'yinlardan biridir. Umuman olganda zakovat so'zining tub ma'nosi ham shundan dalolat beradi.

ZAKOVAT – sezgirlik, aqllilik, farosat, zakiylik degan ma'nolarga ega bo'lib, bu o'yinning bunday nomlanshi ham uning tub ma'nosiga borib taqaladi. "Zakovat" intellektual o'yinlari O'zbekistonda 2001-yildan beri davom etmoqda. Uning asoschisi va boshlovchisi — A.Abdullayev xisoblanadi. Ushbu o'yin rus telekoʻrsatuvi "Nima? Qayerda? Qachon?"oʻyiniga asoslangan xolda O'zbekistonga kirib kelgan. Zamon talab va extiyojlarga ko'ra biz uni o'zimizga moslashtirib, ommlashtirdik va endilikda o'z ta'lim muassasalarimizda bundan unumli foydalangan xolda talabalarning aqillarini charxlashlari uchun unumli foydalanib kelmoqdamiz.

8-Dekabr O'zbeksiton Respublikasi Konstitutsiyasining 27 yilligi munosabati bilan Toshkent davlat iqtisodiyot universiteti Samarqand filiali Yoshlar ittifoqi Boshlang'ich tashkiloti, Ma'naviyat va ma'rifat bo'limi bilan hamkorlikda "Konstitutsiya - Baxtimiz qomusi" shiori ostida targ'ibot haftaligini e'lon qilganligi haqida xabar bergan edik. Toshkent davlat iqtisodiyot universiteti Samarqand filialida haftalik ko'tarinki ruhda davom etmoqda. Haftalik doirasida rejalashtirilgan "Zakovat" intellektual o'yinlari o'z nihoyasiga yetdi.

2019 yilning 5-dekabr Toshkent davlat iqtisodiyot universiteti Samarqand filialning iqtidorli talaba-yoshlaridan tuzilgan jamoalarining filial kutubxonasida tashkil etilgan “Zakovat” intelektual o‘yin natijalari quyidagicha bo'lib o'tdi.

103-guruh talabalari o'zlarining zukkoliklarini nomoyon qilishib uchinchi o'rinni qo'lga kiritishdi. Ikkinchi o'rinni esa 109-guruh faollaridan tuzilgan jamoa vakillari o'zlarining qay darajada bilmga chanqoq va qiziquvchalik qobilyatiga ega ekanliklarini ko'rsatib qo'lga kiritdi. "Kuch-bilm va taffakkurda" shiorini o'zlariga dasturi amal qilib olgan 107-guruh talabalari faxrli birnichilikni egallashdi.

Kelajagimiz egalari ana shunday qat'iy ahd bilan yuksak cho'qqilarni zabt etishga intilmoqdalar.

Toshkent davlat iqtisodiyot universiteti Samarqand filiali professor-o'qtuvchilari tashabbusi bilan tashkil etilgan hamda an'anaviylik kasb etgan "Zakovat" intellektual o'yinlari talabalarimizning iste'dodini charxlab, iqtidorini yuksaltirib, nimalarga qodir ekanliklarini yaqqol namoyon etishlariga qanot bag'ishlamoqda.

Toshkent davlat iqtisodiyot universiteti Samarqand filiali Matbuot xizmati