Toshkent davlat iqtisodiyot universiteti Samarqand filialida korrupsiyaga qarshi kurashish bo'yicha tadbir tashkil etildi.
Toshkent davlat iqtisodiyot universiteti Samarqand filialida korrupsiyaga qarshi kurashish “Komplayens nazorat tizimini boshqarish bo‘limi, filial direktori maslahatchisi G‘.Kurbanov, filial yurist-konsulti M.Xolmonov bilan hamkorlikda filialning qabul komissiyasi a’zolari bilan profilaktik tadbir o‘tkazishdi. O‘tkazilgan tadbirdan ko‘zlangan maqsad, abituriyentlar qabulini va test jarayonini yuqori saviyada o‘tkazish, qabul komissiyasiga yuklangan vazifalarga a’zolarining ma’suliyat bilan yondashishini ta’minlash va bo‘lishi mumkin bo‘lgan huquqbuzarliklarni oldini olish bo‘ldi. Yig‘ilish qatnashchilariga abituyentlarga maslahat berish, hujjatlarini qabul qilishlarida ko‘maklashish jarayonida vujudga kelishi mumkin negativ holatlar, huquqbuzarliklarni oldini olish bo‘yicha tushunchalar berildi. Korrupsiyaviy huquqbuzarliklar aniqlangan holatlarda, filialning «Komplayens nazorat” tizimini boshqarish bo‘limiga bevosita murojaat qilishlari mumkinligi uqtirilildi.