Toshkent davlat iqtisodiyot universiteti Samarqand filiali hamda Samarqand avtomobilsozlik texnikumi oʻrtasida oʻzaro hamkorlik aloqalari o'rnatildi.

Oʻzbekiston Respublikasi Prezidentining “Oʻzbekiston Respublikasi oliy taʼlim tizimini 2030-yilgacha rivojlantirish konsepsiyasini tasdiqlash toʻgʻrisida” 2019-yil 8-oktyabrdagi PF–5847-son Farmoni hamda Oʻzbekiston Respublikasi Prezidentining 2021-yil 16-iyundagi “Oliy taʼlim sohasidagi islohotlar natijadorligi hamda yangi oʻquv yiliga tayyorgarlik jarayonlari toʻgʻrisida” oʻtkazilgan videoselektor yigʻilishi 34-sonli bayoni ijrosini taʼminlash maqsadida Toshkent davlat iqtisodiyot universiteti Samarqand filiali “Buxgalteriya hisobi, soliq va moliya” kafedrasi Samarqand avtomobilsozlik texnikumi oʻrtasida oʻzaro hamkorlik aloqalari boʻyicha shartnoma tuzildi.

Bu shartnomaning maqsadi kadrlarni tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish orqali respublika oliy taʼlim tizimida yuqori malakali raqobatbardosh kadrlar tayyorlashning mazmunini mamlakatning ijtimoiy-iqtisodiy taraqqiyoti istiqbollari, jamiyat ehtiyojlari, ilm-fan, texnika va texnologiyalarning zamonaviy yutuqlaridan kelib chiqqan holda tubdan takomillashtirish bo’lib hisoblanadi.

Shartnomaga muvofiq Toshkent davlat iqtisodiyot universiteti Samarqand filiali Samarqand avtomobilsozlik texnikumi o’qituvchilariga metodik va innovatsion go’yalari bilan yordam berib ta’lim sifatini oshirishga, o’zaro loyihalar amalga oshirishga kelishildi.

Shuningdek, shartnomaga muvofiq tomonlar o’rtasida o’zaro hamkorlikda kelajakda boshqa loyihalar va bitiruvchilarni Toshkent davlat iqtisodiyot universiteti Samarqand filiali o’qishga jalb etish masalalari alohida o’rganildi va texnikum talabalari bilan uchrashuvlar o’tkazildi.