TDIU Samarqand filiali professor-o'qituvchilari tashviqot ishlarini olib bormoqdalar.
Toshkent davlat iqtisodiyot universiteti Samarqand filiali “Buxgalteriya hisobi, soliq va moliya’’ kafedrasi o’qituvchilari Samarqand tuman Maktab va maktabgacha ta’lim bo’limiga qarashli 23-umumiy o’rta ta’lim maktabi, Pastdarg’om tuman Maktab va maktabgacha ta’lim bo’limiga qarashli 9 va 10-umumiy o’rta ta’lim maktablariga, tashrif buyurib, bitiruvchi sinflar bilan suhbatlar olib bordilar. Suhbat jarayonida Toshkent davlat iqtisodiyot universiteti Samarqand filialidagi shart-sharoitlar,  talabalarga berilayotgan imkoniyatlar, qo’shma dastur shakllari haqida targ’ibot tashviqot ishlarini olib bordilar. Toshkent davlat iqtisodiyot universiteti Samarqand filialida yuqori malakali, ilmiy unvonga ega bo’lgan professor-o’qituvchilarining ilg’or, zamonaviy pedagogik texnologiyalardan foydalangan holda sifatli ta’lim berishlari slaydlar va videoroliklar asosida asoslab berildi.  Targ’ibot-tashviqot davomida maktab direktorlari, o’qituvchilari va bitiruvchi yoshlar  Toshkent davlat iqtisodiyot universiteti Samarqand filialimizga qiziqish bildirdilar. Ularning muhokamalariga sabab bo’lgan mavzu bu qo’shma dastur ta’limlarimiz bo’ldi. Qo’shma dastur ta’limlarimiz, talabalarning chet davlatlarida bo’layotgan amaliyotlari haqida batafsil ma’lumotlar berildi va barcha qiziqtirgan savollariga javoblar olishdi. Suhbat davomida maktab direktorlari tomonidan hamkorlikni yanada kuchaytirish kun tartibiga qo’yildi. Maktab direktorlari va o’qituvchilar tomonidan kelgusi yillarda filialimizda maktab bitiruvchilari uchun “Ochiq eshiklar” kuniga shu maktab yoshlarini taklif qilishlari so’raldi. Suhbat so’ngida qiziqtirgan savollarga javob berildi va filialimizning brashuralari va bukletlari tarqatildi.