TDIU Samarqand filiali “Buxgalteriya hisobi, soliq va moliya” kafedrasi professor-o’qituvchilari va guruh rahbarlari talabalarning  amaliyot o‘tash holatini o‘rganmoqdalar.
Toshkent davlat iqtisodiyot universiteti Samarqand filiali “Buxgalteriya hisobi va audit” yo‘nalishi talabalari iqtisodiyotning turli tarmoqlariga oid korxonalarda va davlat idoralarida 03.04.2023 yildan 01.07.2023 yilgacha 13 haftalik bitiruv oldi amaliyotlarini o‘tashmoqda. Shu davr mobaynida “Buxgalteriya hisobi, soliq va moliya” kafedrasi professor-o’qituvchilari va guruh rahbarlari talabalarning amaliyot joylarida bo’lib o'ziga biriktirilgan  talabalarning amaliyot o‘tash holatini o‘rganish maqsadida Samarqand viloyat Pastdarg'om tumanidagi Iqtisodiyot va Moliya bo'limi, Milliy  bank,  "Sanoat qurilish bank", Qoʻshrabot tumani qishloq xoʻjaligi boʻlimi, Samarqand viloyat Xalq banki Payariq tumani filialida, Samarqand viloyat Xalq banki hamda “Intellekt hisob”, "OPPORTUNITY" xususiy korxonalari va boshqalarda  bo‘lishdi, talabalarimiz amaliyotiga rahbarlik qilayotgan xodimlari bilan suhbatlar o'tkazildi. Talabalarning amaliyot o'tash ko'nikmalari, dasturlari va amaliy ma'lumotlar bilan ta'minlanishi atroflicha o'rganildi. Talabalarning amaliyotda o’zlarini bilim va salohiyatlari to’liq namoyish etishlari, hozirgi amaliyot davri kelajakda korxonalar bilan mehnat shartnoma imzolanishiga asos bo’lishi tushuntirildi. Korxonalar va davlat idoralari xodimlarining ruxsati asosida “Bitiruv oldi hisobot”lari uchun ilovalar olishlari hamda hisobotni tayyorlash ishlarini amalga oshirishlari so’raldi.