Toshkent davlat iqtisodiyot universiteti Samarqand filialida xorijlik ekspert tomonidan ikki haftalik seminar darslari o'tib berildi.
 ТDIU Samarqand filiali Germaniyaning “Senior Experten Servise SES  CmbH” fondi bilan hamkorlik aloqalarini o’rnatgan. 
Fond bilan tuzilgan hamkorlik shartnomasiga asosan fond eksperti Manfred Metsger-Bushorning 2023-yil 22-maydan boshlab raqamli marketing bo’yicha seminar darslari 1-iyun kuni o’z nihoyasiga yetdi.
Ikki hafta davom etgan amlaiy mashg’ulotlar davomida tinglovchilar ishlab chiqarish korxonalarida jumladan, Samarqand tumanida joylashgan AMIR AL BAHR maxsus poyafzal ishlab chiqarishga mo’ljallangan fabrikasida bo’lib, korxonaning marketing tizmini qanday yo’lga qo’yilgani bilan tanishdi. Ekspert tomonidan ishlab chiqarish korxonasining kelajakda marketing faoliyatini qanday samarali yo’lga qo’yish bo’yicha o’z fikr-mulohazalarini bildirdi va qator takliflarni berdi.
Seminarning oxirgi kunida ishtirokchilar 4 kichik guruhga bo’lingan holda o’zlarining marketing bo’yicha tayyorlagan loyihalarini taqdimot qilishdilar. Ekspert tomonidan taqdim etilgan loyihalarga xulosaviy fikrlar bildirildi.
Seminar mashg’ulotlarida ishtirok etgan “Raqamli iqtisodiyot va axborot texnologiyalari” va Oziq-ovqat va qishloq xo’jaligi iqtisodiyoti  kafedrasi professor-o`qituvchilari hamda raqamli iqtisodiyot ta`lim yo’nalishi 3-bosqich talabalari o’zlarining fikr-mulohazalarini bildirishdilar. 
Tadbirda so’zga chiqqan filial o’quv ishlari bo’yicha direktor o’rinbosari F.B.Axrorov SES fondi bilan hamkorlikda tashkil etilgan ushbu seminar dasturi bo’yicha rejalashtirilgan mavzular bo’yicha mashg’ulotlarni samarali tashkil etgan fond eksperti Manfred Metsger-Bushorga minnatdorchilik bildirdi va kelajakda hamkorlik aloqalarini yana davom ettirshdan ikki tomon ham manfaatdor ekanligini ta`kidladi.
Seminar ishtirokchlariga ushbu dastur bo’yicha o’quv kursini tugatganliklari to’g’risida sertifikatlar topshirildi.