Toshkent davlat iqtisodiyot universiteti Samarqand filialida Voleybol sport turi bo'yicha musobaqa o'tkazildi.
“2022-2026-yillarga mo’ljallangan yangi O’zbekistonning taraqqiyot strategiyasi to’g’risida”gi O‘zbekiston Respublikasi Prezidentining farmoni ijrosi doirasida talabalar o’rtasida 2023-yil 24-25-may kunlari sportning  voleybol turi bo’yicha filial talabalari o’rtasida  sport musobaqasi bo’lib o’tdi. Musobaqaning asosiy maqsad va vazifalari yoshlarni jismoniy va axloqiy takomillashtirish, sportni talaba-yoshlar o‘rtasida nufuzini oshirish va ommaviy rivojlantirish, talaba-yoshlarni jismoniy tarbiya va sport mashg‘ulotlariga doimiy jalb qilish, talaba-yoshlar o‘rtasida sog‘lom turmush tarzini shakillantirish, talaba-yoshlarni vatanimiz kelajagida muhim shaxs bo'lib yetishishlarida sportning ham ahamiyati yuqoriligi, qolaversa keyingi yillarda oliy ta'lim tizimida sport sohasiga qaratilayotgan o'zgacha e'tibor, yaratilayotgan keng imkoniyatlar samarali foydalanishdan iborat.  Voleyboll musobaqada jami 17 ta jamoa ishtirok etishdi. Musobaqa yakuniga ko‘ra 1-o’rinni Buxgalteriya hisobi va audit ta’lim yo’nalishi BX-220 guruhi talabalari, 2-o’rinni Bank ishi ta’lim yo’nalishi BI-120 guruhi talabalari va 3-o’rinni Bank ishi ta’lim yo’nalishi BI-121 guruhi talabalari qo’lga kiritishdi.
G'olib bo'lgan sportchilar medal, diplom va esdalik sovg'alari bilan taqdirlanadi.