Toshkent davlat iqtisodiyot universiteti Samarqand filiali talabalari bitiruv amaliyotini o'tashmoqda.

5234100 – Raqamli iqtisodiyot (tarmoqlar va sohalar bo‘yicha) ta’lim yo‘nalishi 38 nafar talabalari 2023 yil 25-apreldan 27-maygacha bitiruv oldi amaliyotini  AT-Park, Uztelekom va TATU filialida o‘tashmoqda. Amaliyotni sifatli darajada tashkil etilgan jarayonlarini yoritish maqsadida Marketing va talabalar amaliyoti bo‘limi va Raqamli iqtisodiyot va axborot texnologiyalari kafedrasi professor-o‘qituvchilari 24 may kuni soat 10.00 da IT-Parkka tashrifi amalga oshirildi. IT-Park ma’sullari va kafedra professor-o‘qituvchilari talabalar bilan shu davr mobaynida olgan bilimlari haqida qizg’in suhbat bo‘lib o‘tdi.  

Amaliyot davrida har bir talaba ushbu texno parkning ichki tartib-qoidalariga rioya qilgan holda, yoshlar o‘rtasida startap-ekotizimini shuningdek ta’lim sohasini rivojlantirish  yuzasidan bilim va ko‘nikmalarga ega bo‘lmoqdalar.

Malakaviy amaliyotning asosiy maqsadi – bitiruvchini bevosita ta’lim standarti talablariga muvofiq mustaqil ishlashga tayyorlash, o’zlashtirgan nazariy bilimlarini chuqurlashtirish va mustahkamlash, jamoada tashkilotchilik va tarbiyaviy ishlar olib borish bo’yicha tajriba hosil qilish, korxonaning tashkiliy bo’linmalari tuzilishini va funksional masalalarini o’rganish, iqtisodiy ko’rsatkichlarini hisoblash bo’yicha amaliyot ko’nikmalarni egallash, bitiruv malakaviy ishini bajarish uchun materiallarni to’plash hisoblanadi.