Filialda “Hududlar iqtisodiyotini barqaror rivojlantirish: xalqaro va milliy konsepsiyalar” xalqaro konferensiyasi bo'lib o'tdi.
Oʻzbekiston Respublikasi Vazirlar Mahkamasi Rayosati majlisining 39-son bayoni 20-bandi birinchi xatboshisida belgilangan 2023-yilga moʻljallangan xalqaro va respublika miqyosida oʻtkaziladigan ilmiy va ilmiy-texnik tadbirlar roʻyxati Oliy taʼlim, fan va innovatsiyalar vaziri I.Abduraxmonovning 02.05.2023-yildagi 118-son buyrugʻiga asosan tasdiqlangan.
Shunga asosan 2023-yil 19-20-may kunlari Toshkent davlat iqtisodiyot universiteti Samarqand filialida “Hududlar iqtisodiyotini barqaror rivojlantirish: xalqaro va milliy konsepsiyalar” nomli xalqaro ilmiy-amaliy konferensiya o‘tkazilishi belgilandi.
Anjuman, Evropa Ittifoqining 5 ta universitetilari, Osiyo qitasining ikkita universitetlar bilan hamkorlikda tashkil etilib, u “HUDUDLAR IQTISODIYOTINI BARQAROR RIVOJLANTIRISH: XALQARO VA MILLIY KONSEPTSIYALAR”ga bag’ishlandi.
Anjumanning tantanali ochilish marosimida Toshkent davlat iqtisodiyot universiteti Samarqand filiali direktori, professor, Olim Murtazayev hamda Oliy ta'lim, fan va innovatsiyalar vazirligi Samarqand viloyati xududiy boshqarmasi boshlig'i Norboyev Alisher Erkinjon o'g'li so'zga chiqib, yig’ilganlarni qutlab, anjumanning Respublikamiz iqtisodiyoti rivoji va yoshlarni ilmiy qo’llab quvvatlashdagi ahamyati to’g’risida o’z mulohazalarini bildirishdi.
Xalqaro ilmiy-amaliy konferensiyada Respublikamizning barcha oliy ta’lim muassasalari bilan bir qatorda xorijiy oliy ta’lim muassasalaridan Italiya davlatining Genova Universiteti iqtisodiyot fakulteti, Fransiya davlatining Grenoble Universiteti, Ruminiya davlatining IASI Universiteti (IASI University of Life Sciences), Rossiya federatsiyasining Instituta ekonomiki, finansov i biznesa FGBOU VO «Ufimskiy universitet nauki i texnologiy», Polsha davlatining Wroclaw University and Life Sciences (UPWR) hamda Krakov qishloq xo‘jaligi universiteti, Serbiya Respublikasining Belgrade Universiteti, Chexiya Respublikasining Brno shahridagi Mendel universiteti vakillari ishtirok etishdi.
Konferensiyaning birinchi kunida TDIU Sf "O'quv ishlari bo'yicha" direktor o'rinbosari F. Ahrorov, ikkinchi kunida esa "Ilmiy ishlar va innovatsiyalar bo'yicha" direktor o'rinbosari Abdullayev Zafar moderatorlik qilishdi.
Anjuman ko’tarinki ruhda o’tib, unda hududlar iqtisodiyotini barqaror rivojlantirishning xalqaro va mintaqaviy muammolari, raqamli iqtisodiyot va raqamli integratsiya, fan, ta’lim va ishlab chiqarish integratsiyasida buxgalteriya hisobi va audit xalqaro masalalari muhokama etildi.
Anjuman doirasida xududda joylashgan OTMlar ilmiy-izlanuvchilari taklif etildi va anjuman doirasida “Akademik xarakatchanlik dasturi” tashkil etilib, unda ilmiy-izlanuvchilar o’z fikr-mulohazalarini boshqa izlanuvchilar bilan o’rtoqlashishdi.
Xalqaro ilmiy-amaliy konferensiyada filialimizning tayanch doktoranti Abduraxmanova Aqida Fayzulla qizi “Ekoturizm xizmatlarini rivojlantirishning aholi farovonligiga ta’siri” mavzusida hamda “Oziq-ovqat va qishloq xoʻjalik iqtisodiyoti” kafedrasi katta o’qituvchisi (PhD) Qo‘ziboyev Boxodir Azzamboy o‘g‘li “Hududlarda inklyuziv turizmni samarali rivojlantirishning istiqbollari”, "Measuring competitiveness in tourism enterprises" Ph.D., Bekzot Janzakov nomli ma’ruzalari bilan ishtirok etishdilar.
Ikki kun davom etgan anjuman natijasida, ilmiy asoslangan eng yaxshi takliflar Respublikamizning iqtisodiy, ijtimoiy va turizm sohasini rivojlantirish uchun taqdim qilinishi belgilandi. Shuningdek, Fransiyaning Grinoble Alpes universiteti olimlari, Italiyaning Genova universiteti olimlari, Janubiy Koreyaning JEJU milliy universiteti olimlari bilan kelgusi hamkorliklar yuzasizdan memorandumlar imzolandi. Grinoble Aples universiteti professorlari Filial ilmiy-izlanuvchilariga hududlar iqtisodiyotini barqaror rivojlantirishga qaratilgan tadqiqot ishlarida ilmiy rahbarlik qilishni kelishishdi. Shuningdek, konferensiya doirasida tadbirkorlikka qiziquvchi, kelajakda o’z tadbirkorlik faoliyatini yo’lga qo’yish xoxishida bo’lgan talabalar bilan uchrashuvlar tashkil etilib, xorijiy olimlar bilan hamkorlikda treyning mashg’ulotlari tashkil etilishi kelishib olindi.
Tadbir ko’tarinki ruhda, xorijiy nufuzli universitetlar faolligida, sermazmun tarzda o’tdi.
