TDIU Samarqand filiali hamda xorijiy hamkor oliygoh ishtirokida onlayn konferensiya tashkil etildi.

TDIU Samarqand filiali hamda Latviya amaliy fanlar va texnologiyalar universiteti hamkorligida yangi qo'shma ta'lim dasturi tashkil etiladi
Joriy yil 12-may kuni TDIU Samarqand filialida Yevropa Ittifoqidagi hamkor universitet - Latviya amaliy fanlar va texnologiyalar universiteti bilan hamkorlikda yangi qo'shma  ta'lim dasturini tashkil qilish bo'yicha onlayn uchrashuv bo'lib o'tdi. Unda filialning o'quv ishlari bo'yicha direktor o'rinbosari F.Ahrorov, ta'lim sifatini nazorat qilish bo'limi boshlig'i I.G'aniyev, o'quv-uslubiy bo'lim boshlig'i Z.Bobomurodov, "Oziq-ovqat va qishloq xo'jaligi iqtisodiyoti" kafedrasi mudiri O.Pardayeva, xorijiy OTMlari bilan hamkorlikda qo‘shma ta’lim dasturlarini muvofiqlashtirish bo'limi mutaxassisi Sh.Yuldashev,  Latviya amaliy fanlar va texnologiyalar universitetidan Xalqaro aloqalar bo'limi boshlig'i Bariss Voldemars, qo'shma dasturlarlar koordinatori V.Krištopane, "Iqtisodiyot va ijtimoiy rivojlanish" fakulteti dekani Andra Zvirbule ishtirok etdilar. Ikki hamkor universitet mutasaddilari o'rtasidagi uchrashuvda yangi o'quv yildan boshlab, "Iqtisodiyot (Barqaror iqtisodiyot va hududiy rivojlanish)" iqtisodiy yo'nalishi bo'yicha 2+2 shaklida qo'shma ta'lim dasturini tashkil etish, o'quv rejalarini ko'rib chiqish va talabalar qabul qilishga kelishib olindi. 
Shunday qilib, Yevropadagi hamkor universitet bilan hamkorlikdagi qo'shma dasturlar soni yana bittaga ko'paydi. Yangi o'quv yilidan boshlab,  qo'shma ta'lim dasturlarning har biriga 25 tadan talabalar o'qishga qabul qilinadi.
Eslatib o'tamiz: hozirgacha Latviya amaliy fanlar va texnologiyalar universiteti bilan hamkorlikda "Axborot tizimlari va texnologiyalari (Raqamli boshqaruv va barqaror rivojlanish)" qo'shma ta'lim dasturi mavjud.