Toshkent davlat iqtisodiyot universiteti Samarqand filialida “Menejment nazariyasi” fanidan ochiq amaliy dars tashkil etildi.
2023-yil 10-may kuni soat 14:00 da 302-auditoriyada AIF-120-guruh talabalariga Iqtisodiyot fakulteti “Oziq-ovqat va qishloq xo‘jalik iqtisodiyoti” kafedrasi assistenti N.Shukurova tomonidan “Menejment nazariyasi” fanidan "Nizo va stresslarni boshqarish nazariyasi" mavzusida ochiq amaliy mashg‘ulot o‘tkazildi. Mashg‘ulot davomida talabalarga mavzu doirasida amaliy topshiriqlar, test savollari, nazariy savollar berildi. Mashg‘ulot davomida talabalar guruhlarga ajratilib, mavzu bo‘yicha keys stadilarda qatnashishdi,  guruh talabalari o‘rtasida turli fikrlar almashuvi amalga oshirildi. 
Mashg‘ulot davomida  nizolar tabiati, turi va sabablari, nizo jarayonidagi bosqichlar va oqibatlar,  nizolarni boshqarish va ularni bartaraf etish yoʻllari, stress va uni boshqarish tushunchalari talabalarga yetkazildi. Amaliy mashg‘ulot darsi texnik vositalar bilan ta’minlangan.
Ochiq amaliy mashg‘ulot davomida talabalarning qiziqishi hamda faolligi ta’minlandi. Mashg‘ulotning yutuqlari talabalarning dars davomida fanga qiziqishi hamda qiziqqan savollari bo‘yicha savol-javoblar berilishi, bahs-munozara shaklida olib borilishidan iborat.
Amaliy mashg‘ulotdan soʻng, savollar berildi va qizgʻin muhokamalar olib borildi. Ochiq amaliy mashg‘ulot yakunida talabalar mavzu yuzasidan o‘zlarini qiziqtirgan barcha savollarga javob olishdi. Mashg‘ulot yakunida talabalarga uyga vazifalar berildi, faol qatnashgan talabalar baholandi, rag‘batlantirildi, dars umumiylashtirildi  va uyga vazifa berildi.