Toshkent davlat iqtisodiyot universiteti Samarqand filiali talabalari "Motamsaro ona" haykali joylashgan majmuaga tashrif buyurishdi.
2023-yil 8-may kuni Toshkent davlat iqtisodiyot universiteti Samarqand filiali ta’lim-tarbiya maslahatchilari va talabalari tomonidan “9-may xotira va qadrlash kuni” munosabati bilan xotira maydonidagi "Motamsaro ona" haykali poyiga gul qo'yilib, xotira maydoni ziyorat qilindi.  Ziyorat davomida janggohlarda jon bergan vatandoshlar nomlari muhrlangan «Xotira kitobi» ko‘zdan kechirildi, “Motamsaro ona” haykali qarshisida sukut saqlandi. Yosh avlodning ma’naviy olamini yuksaltirish, ona Vatanga muhabbat va ajdodlar jasoratiga sadoqat ruhida tarbiyalash, yoshlarga tinchlik, hamjihatlik va barqarorlik dunyodagi eng ulug‘ ne’mat ekanligini anglatish  maqsadida tashkil etilgan mazkur tashrif davomida talabalarga “9-may xotira va qadrlash kuni” va Ikkinchi jahon urushi bilan bog‘liq tafsilotlar haqida batafsil ma'lumot berildi.