Toshkent davlat iqtisodiyot universiteti Samarqand filialida seminar bo'lib o'tdi.
2023-yil 26-aprel soat 14:00 da Toshkent davlat agrar universiteti va Toshkent davlat iqtisodiyot universitetining Samarqand filialining 203A-kichik majlislar zalida “Oʻzbekiston va Qirgʻizistonda sifatli qishloq xoʻjaligi mahsulotlarini barqaror ishlab chiqarishni ta’minlash tarmoqlarni qoʻllab-quvvatlashga yoʻnaltirilgan oliy ta’limni rivojlantirish” loyihasi doirasida seminar boʻlib oʻtdi (AgroDev).
Seminarda Loyiha ishtirokchilari, Toshkent davlat agrar universiteti va uning filiali, Toshkent davlat iqtisodiyot universitetining Samarqand filiali, Samarqand veterinariya meditsinasi, chorvachilik va biotexnologiyalar universiteti professor-oʻqituvchilari, tegishli davlat organlari (Qishloq xoʻjaligi vazirligi), Qirgʻizistonning Norin davlat universiteti hamda NSP/GAP/Global GAP vakillari  ishtirok etdi.
Ushbu tadbirni oʻtkazishdan maqsad loyihaning 2,5 yil davomidagi erishilgan yutuq va natijalarini taqdim etish, kelgusidagi tashabbuslarni birgalikda aniqlash, zamonaviy tajriba va bilimlarni foydalanish imkoniyatini ta’minlash hamda ularni Oʻzbekiston Respublikasi agrosanoat majmuasining turli tarmoqlarida va oziq-ovqat bilan bogʻliq boshqa ishlab chiqarish sohalarida (saralash, kalibrovkalash, qadoqlash va boshqalar) qoʻllashdan iborat.
Ushbu uchrashuv Yevropa Ittifoqining “ERASMUS+” dasturi tomonidan moliyalashtirilgan, Latviya tabiiy fanlari va texnologiyalari universiteti boshchiligida “AgroDev” loyihasi konsorsiumi tomonidan  tashkil etildi.
“AgroDev” loyihasi Oʻzbekiston va Qirgʻizistonda qishloq xoʻjaligi mahsulotlarini ishlab chiqarish tizimini rivojlantirishga koʻmaklashish uchun oliy ta’limni modernizasiya qilishga qaratilgan.