Toshkent davlat iqtisodiyot universiteti Samarqand filiali talabalari oʼrtasida “Munozara” intellektual oʻyini bo'lib o’tdi.
Oliy ta’lim, fan va innovatsiyalar vazirligining 2023-yil 9-martdagi 48-sonli buyrug’i ijrosini ta’minlash, talaba yoshlarni bo‘sh vaqtlarini mazmunli tashkil etish tadbirlarini tashkil etish, ma’naviy-marifiy, ilmiy-innovatsion va ko’ngilochar tadbirlarni tashkil etish maqsadida intellektual o‘yinlar va bir qator loyihalar, tadbirlar amalga oshirilmoqda.  Jumladan 2023-yil 18-20-aprel kunlari filialda Intellektual haftalik doirasida talabalarni intellektual o‘yinlarga keng jalb etish borasida “Munozara” intellektual oʻyini oʻtkazildi. Iqtidorli yoshlarning mantiqiy bilimlarini oshirish, ularni saralash va intellektual o‘yinlarga keng jalb etish uchun tashkil etilgan  “Munozara” intellektual o‘yinida 9 ta jamoa ishtirok etdi. Bilimdonlar o‘rtasida haqiqiy sog‘lom raqobat tarzida o’tkazilgan final boshqichida “Raqamli iqtisodiyot” ta’lim yunalishi 3-bosqich RI-320 guruhining “Digital” va “Buxgalteriya hisobi va audit” ta’lim yunalishi 2-bosqich BX-221 guruhini “Platinium”  jamoalarga hal qiluvchi savollar berildi va gʻolib jamoa aniqlandi. “Munozara” intellektual oʻyinining mutloq gʻolibi “Digital” jamoasi a’zolari boʻldi. Gʻolib jamoalar festival yakunida, ya’ni 27-aprel kuni soat 16-00 da bo’lib o’tadigan sanʼatkorlar ishtirokida galakonsertda taqdirlanadi.