Filial bitiruvchi talabalari uchun "Karyera kuni"mehnat yarmarkasi tashkil etildi.
Oʻzbekiston Respublikasi Prezidenti Administratsiyasi rahbarining 2023-yil 7-fevraldagi № 02-PA 1/1-254-son topshiriq xati bilan tasdiqlangan “Oliy taʼlim muassasalarida talaba-yoshlar bilan ishlash samaradorligini oshirish va ularning boʻsh vaqtini mazmunli tashkil etishga qaratilgan yagona tadbirlar kalendar rejasi”ning 25-bandida “Oliy taʼlim muassasalari talabalari, ayniqsa bitiruvchilarning bandligini taʼminlash maqsadida ish beruvchilarni jalb qilgan holda “Karyera kuni” mehnat yarmarkasini tashkil etish” vazifasi belgilangan. Shu munosabat bilan Toshkent davlat iqtisodiyot universiteti Samarqand filialida bitiruvchilarining bandligini taʼminlash maqsadida ish beruvchilarni jalb qilgan holda 2023-yil 20-aprel kuni “Karyera kuni” mehnat yarmarkasi bo’lib o‘tdi. Bu kabi mehnat yarmarkalari an’anaviy tarzda har yili bo‘lib o‘tadi. Yarmarkadan ko‘zlangan maqsad - talabalarni korxona va tashkilotlarda bo‘sh ish o‘rinlari bilan tanishtirish, yosh mutaxassislarni bandligini ta’minlash, mehnat bozoridagi o‘zgarib turgan yangi talablarni o‘rganib, amaliyot o‘tashi va ishga joylashishlari uchun sharoit yaratishdan iborat. Mehnat yarmarkasida 30 ga yaqin korxona va tashkilotlar, jumladan Samarqand viloyati Kambag‘allikni qisqartirish va bandlik bosh boshqarmasi, Samarqand viloyati iqtisodiyot va moliya boshqarmasi, Samarqand viloyati bo‘yicha g‘aznachilik boshqarmasi, Samarqand shahar Davlat soliq inspeksiyasi, Samarqand viloyati Qishloq xo‘jaligi boshqarmasi, Uztelekom AK Samarqand filiali, IT Park Samarqand viloyat filiali, Markaziy bank Samarqand viloyat hududuy boshqarmasi, Qishloq qurilish bank ATB Samarqand viloyat hududiy filali, ATIB Ipotekabank Samarqand viloyat hududiy filali, XATB Orient Samarqand viloyat hududiy filali, AT aloqa bank Samarqand viloyat filiali, Mikrokreditbank Samarqand viloyat filiali, Asia aliance bank Samarqand filiali, “Mini Maks Finance” buxgalterlik firmasi kabi tashkilot rahbar va mutaxassislari bo’sh ish o’rinlari bilan ishtirok etishdi. 
Mehnat yarmarkasida talabalar to‘g‘ridan to‘g‘ri ish beruvchilar bilan muloqot qilib o‘zlarini qiziqtirgan savollarga atroflicha javob olishdi.