Yevropa Ittifoqining Erasmus+ AgroDev loyihasi doirasida TDIU Samarqand filiali professor-oʻqituvchilaridan iborat delegatsiyaning Polsha davlat Krakov universitetiga tashrifi davom etmoqda. Dastur rejasi boʻyicha 2023 yil 18 aprel kuni ODRZECHOWA Ltd. Chorvachilik milliy ilmiy tadqiqot institutining tajriba stansiyasi (Exprimental Station of the iùììiìNational Research Institute of Animal Production 38-530 Zarszyn)ga borildi. Ilmiy tadqiqot institut hududida Qoramolchilikning sut va goʻshtga yoʻnatirilgan Simmental zotining jami 1000 bosh qoramoli boʻlib, shundan 400 bosh qoramollar sogʻin sigir hisoblanadi, 100 boshi goʻsht yoʻnalishida, qolgan qismi oʻstiruvdagi yosh mollarni tashkil etadi. Shuningdek, echkichilikning genbank faoliyati bilan ham shugʻullanib kelinmoqda. Echkining Karpat zoti saqlab koʻpaytirib kelinmoqda, mazkur zotni saqlash va koʻpaytirish boʻyicha ilmiy tadqiqotlar olib borilayotgani ta'kidlab oʻtildi. ITI xoʻjaligida yilqichilkda Gutsin zotini koʻpaytirish bilan ham shugʻullanib kelinmoqda. Ushbu ITIga qarashli jami 1500 gektar yer maydoni boʻlib, shundan 1190 gektar yer maydoni qishloq xoʻjaligi yerlari: jumladan,  400 gektar haydaladigan yerlar, 790 gektar yaylov yerlari hisoblanadi. ITI da qoramollardan chiqadigan chiqindilardan biogaz olish faoliyati ham yoʻlga qoʻyilgan, biogas olishdan soʻng kuniga 60 tonna organik chiqindilar chiqadi va yer maydonlariga organik oʻg'it sifatida ishlatiladi. 
Delegatsiya a’zolari kunning ikkinchi yarmida Yan Grodej davlat universitetiga tashrif buyurishdi. Tashrif chogʻida universitet rektori PhD. Mech. Eng. Mateusz Kaczmarski universitet tarixi boʻyicha tanishtirib oʻtdi. Universitet 2001 yilda  tashkil etilgan boʻlib, hozirda 6 ta bakalavriyat,  2 ta muhandislik va 8 ta magistratura yoʻnalishlarida amaliy ta’lim berilayotgani toʻgʻrisida ma’lumotlar berib oʻtildi.
Universitet hozirda yosh universitetlardan boʻlsada, 60 ta xorijiy universitetlar bilan hamkorlikni yoʻlga qoʻygan. 2023 yil 18 aprel sanasidan boshlab Markaziy Osiyo davlatlari bilan, AgroDev loyihasida ishtirok etayotgan universitetlar oʻrtasida Toshkent davlat iqtisodiyot universiteti Samarqand filiali bilan hamkorlikni amalga oshirish istagini bildirdi va delegatsiya a’zolari bilan dastlabki kelishuvlar amalga oshirilib, qator ta’lim yoʻnalishlari va sohalar yuzasidan hamkorlik shartnomasi tayyorlandi.